چه‌نيگ ئيمه فه‌يلييم؟!
شه‌فه‌ق نيوز/ نوڕستنيگ له خوداوه ره‌حمه‌ت و خوه‌شه‌ويسى و ئارامى ئه‌وه‌خشێده به‌نه‌يلێ، وه چه‌وه‌اشه له دونيا ك هه‌رچه‌نى دڵته‌نگ بوێد له‌بانى لايگه‌و له‌لێد ناكا، ئيمه‌ى فه‌يليه‌يل ناچاريم وه‌ده‌س كيشه‌و گرفته‌يل ك مينه‌ێ چاره‌سه‌ر ئه‌راێ بكه‌يم، چوينكه ته‌مامبوينمان ئه‌چێده‌و ئه‌را سه‌رده‌مه‌يل دوياى دڵته‌نگێ و ئه‌گه‌ريش نه‌ريته‌يل باڵا پشتگووش بخه‌يم ئه‌وه ماناى ئه‌وه‌سه گشت ئه‌و هه‌مگه ساڵه‌يل خه‌بات و قوربانيه له‌وه‌رخاتر هويچ بويه، وه‌لێ له وڵاتيگ ك مافه‌يل زه‌فت كردگه ئه‌گه‌ر هه‌وڵ بيه‌يم ئه‌را هاوردنه‌وه‌ى ئه‌و مافه‌يله يا خه‌بات بكه‌يم وه‌خاتر وه‌رگرتن ئازادى و يه‌كسانى، ئه‌وه ماناى ئه‌وه‌سه بژارده‌مان ها ناونى سه‌ربه‌رزى و ته‌به‌عيه‌ت و شه‌ره‌ف به‌رز.
ژيان سياسى له‌ى وڵاته له‌يوا ده‌ركه‌فێد جوور ئه‌وه‌گ له بڕياره‌يل سياسى و حكوميه‌و ده‌س وه‌پى بكاو دوياى ئه‌وه‌يش دامڵكيا وه‌ره‌و قوناغه‌يل ژيان له‌ناو كۆمه‌ڵگاو گشت ئاسووه‌يل پڕه‌و كرد.
ئاساييشه له‌و ناوچه‌يله ك ناكووكيه‌يل نه‌ته‌وه‌يى و ئايينى و هووزايه‌تى و ناوچه‌يى ديرن زه‌حمه‌ته‌قسه له‌بان يه‌كسانى له هاووڵاتيبوين بكريه‌ێد.
ئمجا هه‌ر له زويه‌و دوژمنه‌يل وه‌رجه وه‌رگرتن ده‌سڵات تواسيان ده‌نگه‌يلمان كپه‌و بكه‌ن، وه‌لێ دوياى ئه‌وه‌گ نيشتنه بان ته‌خت ده‌سڵات ئه‌خوازن په‌تمان هه‌ڵخه‌ن!! له‌وه‌ر ئه‌وه‌گ فه‌يلييد بايه‌سه په‌يوه‌س بوێد وه ئه‌ركه‌يل و پابه‌ند بوێد وه‌گشت نه‌ريته‌يل مرۆيى، ئمجا هاوبه‌ش نه‌ته‌وه يا ئايين يا هاووڵاتيبوين ئه‌تويه‌نێد به‌شدارى وه ئازادى له روێ وه‌ڕوێ بوينه‌وه‌ى كيشه‌يل و مه‌ينه‌تيه‌يلمان بكا، وه‌لێ ئاده‌ميزاد فه‌يلى ك هه‌ڵويست نه‌يرێد ناتويه‌نێد ده‌س له تايبه‌تمه‌نديه‌يلێ هه‌ڵگرێد!
ئه‌و هووكاره‌يله فريه‌ن ك رێ ئه‌يه‌نه به‌عزه كه‌سه‌يليگ بويشن خاسكرديم هه‌ناى وتيم: كورد فه‌يلييم! وه‌لێ ئايا گشت زوڵمليكرياگه‌يل له عراق فه‌يليين يا ئويشن ك فه‌يليين؟! ئويشن ك خنكاننمان وفه‌رامووشكردنمان له‌وه‌وه ده‌س وه‌پيكرد ك مه‌ردمانيگ باس له‌وه كرديان نوێنه‌ر كورده‌يل فه‌يليين ك ئايا گشت هه‌قخورياگه‌يل ناڵنن وه‌ده‌س هه‌مان ده‌رده‌و؟! يه‌يش له‌وه‌ختيگ ك حكومه‌ته‌يل وه‌رين و دوياى ئه‌وانيش له يبه‌غدا وه‌ل حزبه‌يل سياسى پشت وه دڵته‌نگيمان ئه‌وه‌سن فيشتر له‌وه‌گ ده‌ڵه‌كمان وه‌ره‌و هه‌مان دڵته‌نگێ بيه‌ن، چوينكه ئه‌وه‌نه‌ى هه‌وڵه‌يلمان ئه‌را مافه‌يل ئاده‌ميزاد فه‌يلى له‌ناو كۆمه‌ڵگا ئه‌وه‌نه‌ى ئه‌وه ئه‌تويه‌نيم بويشيم ئيمه فه‌يلييم و كيشه‌گه‌مانيش جوور كيشهاتن دڵسووزێ و گرژبوينه‌وه‌ى ده‌ستووره!!.
عه‌لى حسێن فه‌يلى
