شه‌فه‌ق نيوز/ ئه‌نجيلا به‌شاره‌ هاوسه‌ره‌ ته‌لاقدريايه‌گه‌ێ هونه‌رمه‌ند ناودار وائل كه‌فورى، بيده‌نگى شكان دوياى ئه‌وه‌گ هاوسه‌ره‌گه‌ى فه‌رمانيگ دادگايى له‌بانى ده‌ركرد ئه‌را نواگيريكردن له‌لى  له‌باسكردن ئاشكراى شيواز په‌يوه‌ندييان و له‌ى دوياخره‌ له‌بان قسه‌يلى هاته‌ جواو له‌باره‌ى هه‌ردوگ مناڵه‌گه‌يان ميشال و ميلانا.

ئه‌نجيلا به‌شاره‌ له‌باره‌ى قه‌يرانى وه‌ل وائل كه‌فورى له‌ڕێ ئه‌نستگرام باس له‌وه‌ كرد ك هه‌ردوگ مناڵه‌گه‌ى خه‌ت قرمزن و ته‌نيا له‌وه‌ر كه‌رامه‌تيان بيده‌نگ ئه‌دێ و كيشه‌ى ئه‌و وه‌ل كه‌فورى ته‌نيا كيشه‌ى دارايى نه‌ويه‌، به‌ڵكوو له‌وه‌ زياتر بويه‌و له‌ حاڵه‌تيگ ئه‌گه‌ر وائل قسه‌ى زياتر بكا ئه‌وه‌ ناچار ئه‌دێ يه‌يش گشت چشتيگ باس بكا له‌ ناكووكى ناونيان.

دوياى ئه‌وه‌يش ئه‌نجيلا به‌شاره‌ نويساگه‌: خاسترين چشتيگ ك باوگ پيشكه‌شى وه‌ مناڵه‌يلى بكا، ئه‌وه‌سه‌ خوه‌شى له‌ دايگيان باێد، يا وه‌لاى كه‌مه‌و ريز و حورمه‌ت له‌لى بنه‌ێد.