گۆران ساڵح، هاوسەر پەرواز وە ماڵپه‌ڕ رووداو وتگە: "ماوه‌ێگە خەریك بەرهەمێگ تازه‌يم ئه‌ڕا پەرواز، ك ئيسه‌ ڕه‌سيمنه‌سه‌ كووتایی كارەگان و لەی رووژه‌يلە دوياێ توماركردن گورانییەگە كلیپێگ مۆدێرن ئه‌ڕاێ درۆس كەیم".

يە یەكەمین بەرهەم پەروازە له‌شوون ئەوەگ بەشداری له‌ بەرنامەی عەرەب ئایدڵ كرد، گورانییەگەيشی وە زووان كوردی و عەرەبیه‌، لەيباره‌وە گۆران وت: "چەن میلۆدیيگ ڕه‌سيه‌سه‌ ده‌سمان ك لەلایەن چەن ئاوازدانەرێگ ناودار عەرەب دانريانه‌، تێكستە عەرەبیەگەيش لەلایەن شاعر ناودار عێراقی كەریم عێراقی نويسرياس، وه‌لی تێكستە كوردییەگە جارێ ئامادە نییە".

گۆران وتیش: "خوازيم سه‌ره‌تاێ كارەیل پەرواز فره‌ خاس بوود و دەنگه‌وداين فره‌ێگ لە ناو هونەر كوردی و عەرەبی داشتوود".

ا. ج