كامێرۆن دياز ئه‌را گيس خوه‌ى ئه‌گيرێ
2012-05-05 17:41:56
گوزه‌يشته، هاوڕێگ خوه‌ى گيس بڕيه، ده‌س كرديه‌سه گيرسن و هاوار كردن.
له‌ى باوه‌ته مه‌جه‌ڵه‌ى(يۆ ئس وێكلى) بڵاو ئه‌كا ك كامێرۆن له چوارچوو به‌رنامه‌ى(ز تونايت شو) ك جاى لينۆ پێشكه‌شێ ئه‌كا، وتيه: نه‌تويه‌نسم خوه‌م بگرم و ده‌س كردمه گيرسن، ئمجا دووسه‌گه‌ميش بويه گيرى، دوياتريش ته‌مام ئه‌و كه‌سه‌يله ك له‌وه‌ر بوین، ده‌س نانه‌و گيره. ئه‌را يه منيش ناچارم بويم نامه‌ى ئه‌رايان كل بكه‌م و ئاگاداريانه‌و بكه‌م ك من فره خاسم.
كامێرۆن هه له چوارچوو ئه‌ى به‌رنامه وتگه: م ئيرنگه هامه جووخ(ته‌مه‌ن) 39 ساڵان و فره‌يش خوه‌شم ئه‌ياد ك هه‌ميشه له ناو ژيانم سه‌ركه‌فتێ بووم و تويش گرفت و گێچه‌ڵ نه‌وم، ئه‌را يه‌گ كه‌سه‌يل تر وه پيمه‌و نان نه‌خوه‌ن يا يه‌گ له ميديايل باس له بانێ بكه‌ن./ش
