سه‌فامه‌نش گورانیيگ "كوردی-عه‌ره‌بی" چڕێ
2014-09-25 15:26:51
ئاراس جه‌واد، نويسه‌ر تێكست گورانيه‌گه له‌و باره‌وه وه "شه‌فه‌ق نيوز" وت: وه‌بوونه‌ی 21 سێپته‌مبه‌ر ڕووژ جه‌هانی ئاشتی، له‌ڕێ گورانييگه‌و په‌يام ئاشتی و برايه‌تی و وه‌يه‌كه‌وژيان كل كه‌يم ك هونه‌رمه‌ند حوسه‌ين سه‌فامه‌نش له شار كرماشان، كاره‌گانێ ئه‌نجامداس و منيش تێكسته‌گه‌ێ ئه‌ڕاێ نويسامه.
وتيش: ناو گورانيه‌گه "كۆتری سپی"يه ك سيمبۆل ئاشتی و برايه‌تيه، وه دوو زووان كوردی(زاراوه‌ێ سۆرانی) و عه‌ره‌بيه، ك وه‌ی نزيكه‌يله بڵاوه‌و بوود و په‌يامێگه ك به‌ش فره‌ێگێ ئه‌ڕا وڵاته‌يل عه‌ره‌بيه‌و وه‌ی په‌يامه نيازپاكی ملله‌ت كورد ئه‌ڕا گشت جه‌هان نيشانده‌يم.
ا. ج
