له‌ په‌یامێگ ك‌ له‌بان په‌ڕه‌ی تایبه‌ت خوه‌ی بڵاوی كردگه‌سه‌و‌، ئويشێ "له‌يره‌وه‌ داوا له‌ گشت هونه‌رمه‌نده‌یل وڵاته‌یل ئه‌وروپا ‌كه‌م ك‌ له‌ی كار‌ گرنگه‌ به‌شدار بوون، هاوكاری كردن ئه‌و خوه‌يشك و برایه‌يله‌ ئه‌ركێگ بان شان گشت یه‌كێگ له‌ ئيمه‌س‌".

ده‌ق په‌یامه‌گه‌ی

دووسد ديرم وڵاته‌گه‌م!

هه‌رچه‌ن‌ وڵات ئيمه‌ چه‌نه‌ها ساڵه‌ ها له‌ژێر ته‌وژم و شاڵاو نه‌هامه‌تی‌! جوور گشت جاره‌یل تر جارێگ تر دوینیمن به‌شیگ وڵاته‌گه‌مان ها له‌ نه‌هامه‌تی و هه‌وه‌جه‌ وه‌ هاوكاری هه‌م مادی و هه‌م مه‌عنه‌وی ديرن‌! وه‌يخاتره‌ منیش جوور سامان عومه‌ر، گشت توانایگ خوه‌م ‌خه‌مه‌ گه‌ڕ ئه‌ڕا هاوكاری كردن برا و خوه‌يشكه‌يل و كوورپه‌یل (ئاواره‌یل) كوردستان ڕووژئاوا. گشت پارچه‌یل له‌شم پێشكه‌ش كه‌م ئه‌گه‌ر هه‌وه‌جه‌يان وه‌پی بوود! و له‌ێره‌و‌ داوا له‌ گشت هونه‌رمه‌نده‌یل وڵاته‌یل ئه‌وروپا ‌كه‌م ك له‌ی كار‌ گرنگه‌ به‌شدار بوون، هاوكاری كردن ئه‌و خوه‌يشك و برایه‌يله‌ ئه‌ركێگ بان شان گشت یه‌كێگ له‌ ئيمه‌س‌. پێشنیار وه‌ گشت هونه‌رمه‌نده‌یل نیشته‌جای وڵاته‌یل ئه‌وروپا كه‌م ك‌ هه‌ر كه‌سێگ وه‌خوه‌ی دوينێ و ‌تويه‌نێ جوور كومه‌كێگ ئه‌ڕا ئاواره‌یل ڕووژهه‌ڵات، چه‌ن ئاهه‌نگێگ گه‌ورا‌ له‌ی وڵاته‌يله‌ ساز بكه‌یمن و گشت داهاته‌گه‌ی جوور هاوكارییگ كل بكه‌يم ئه‌ڕا ئاواره‌يل ڕووئاوای كوردستان.

هه‌ر هونه‌رمه‌ندێگ، موزیك ژه‌نێگ، هاوڕێیگ ئه‌خوازێ له‌و كاره‌ هاوكار بوود. په‌یوه‌ندی وه‌ منه‌و‌ بكا ئه‌ڕا ڕێككه‌فتن له‌ دروسكردن ئاهه‌نگه‌گان.

وه‌ل ڕێزم ئه‌ڕا گشت لایگ .

سامان عومه‌ر

ا. ج