شاعر عه‌بدولڕه‌حمان بێلاف، ك ‌شعره‌گه‌ ئه‌ڕای ‌نويسێ و ئاماده‌ی ئه‌كا وتگه‌ "ئاوێنه‌ی ئیشق ناو ئه‌و به‌رهه‌مه‌سه‌ ك من جوور نويسانن شعرو جه‌لیل عه‌نده‌لیبی جوور كار ئاوازو دابه‌شكردن میوزیك كار ئه‌ڕای ‌كه‌یمن و ئاماده‌ی كه‌یم ئه‌ڕا گورانیچڕ حومه‌یرا، ئه‌و به‌رهه‌مه‌ له‌ستۆدیۆی ته‌م تۆمار ئه‌كريه‌ێ و كار ئه‌ڕای ‌كريه‌ێ".

گورانیچڕ فارس حومه‌یرا یه‌كێگه‌ له‌هونه‌رمه‌نده‌يل ‌ناودار فارس و جه‌لیل عه‌نده‌لیبیش مامۆستای ئاوازو مۆسیقای كوردییه‌و تائيسه‌ ئاوازه‌یلی له‌لایه‌ن چه‌نه‌ها هونه‌رمه‌ند گه‌ورا‌ی كورد جوور شاروخی و لور نه‌ژاد و حوسه‌ين شه‌ریفی و هونه‌رمه‌نده‌يل فارس جوور گولپایگانی و شه‌جه‌ریان وئیره‌ج و ئفتخاری و موعین و هایده‌و حومه‌یرا و مه‌هه‌ستی كريانه‌سه ‌گورانی.

له‌باره‌ی وه‌خت بڵاوه‌وبوين ئه‌و به‌رهه‌مه‌و شێوه‌زار به‌رهه‌مه‌گه‌ عه‌بدولڕه‌حمان بێلاف وت "بڕیاره‌ ئه‌و به‌رهه‌مه‌ له‌مانگ نه‌ورووز بڵاوه‌وبكريه‌ێد ك له‌‌تی گورانیچڕ ناوبرياگ ها ته‌ما‌ ئه‌ڕا یه‌كه‌م جار گورانی وه‌زووان كوردی بچڕێ و توماری بكا و بڵاوی بكاده‌و‌.

حومه‌یرا ‌ئيسه‌ نیشته‌جای ‌لۆس ئه‌نجلۆس ولایه‌ته‌يل یه‌كگرتگ ئه‌مه‌ریكاس‌.

ا. ج