چه‌وه‌ڕێ "مير فيليب" ئه‌كه‌ن تا به‌ره‌كه‌ت بخاده كشتوكا‌ڵيان!!
شه‌فه‌ق نيوز/ دويرگه‌رى تانا فانواتو هه‌واڵيگ بڵاو كردنه له‌باره‌ى وازهاوردن مير فيليب هاوسه‌ر شاژنه ئيلزابيس دويه‌م، ك يه‌يش بويه‌سه سه‌رباس زوورم رووژنامه‌و گووڤاره‌يل، وه‌لێ له دويرترين شوونيگ له‌بان ئى گووشه‌ێ زه‌ويه مه‌ردمانيگ هه‌ن گشت رووژيگ نيشتنه‌و چه‌وه‌ڕێ مير فيليب ئه‌كه‌ن.
هووز بدائى له فانواتو كه‌فتنه‌سه حاڵه‌تيگ له شۆك و ناڕه‌حه‌تى له‌وه‌ختيگ ئاگادار بوينه مير بريتانى ك جوور كوڕ خوداوه‌ن زانريه‌ێد گله‌و ناخوه‌ێد ئه‌را شوون و ماواێ خوه‌ى له ئاوايى يونانين له نزيك ئوقيانوس ئارام له دويرگه‌ێ تانا چ وه ته‌نيا يا وه‌ل شاژنه ئيلزابيس هاوسه‌رێ.
جى باسه، مه‌ردم ئه‌و ئاوايه رووژانه چه‌وه‌ڕى گله‌وخواردن مير فيليب ته‌مه‌ن 95 ساڵان ئه‌كه‌ن تا به‌ره‌كه‌ت بخاده كشتوكاڵ و به‌رهه‌م مۆز و سيفه‌گه‌يان ك سه‌رچه‌وه‌ى ژيان هووزه‌گه‌يانه!! ك وه‌و خاتريشه مه‌ردم ئه‌و ئاوايه باس له‌وه ئه‌كه‌ن ك ئه‌گه‌ر رووژيگ له رووژان ميره‌گه‌يان گله‌و بخوه‌ێد گشت فه‌قيرى و نه‌خوه‌شييگ له‌ليان ئه‌چێد و رزق و رووزييان ئه‌دريه‌ێد، چوينكه وه رووڵه‌يل خوداوه‌ند جه‌وه‌ڵه‌يل زاننه‌ێ.
