شەفەق نیوز/ پیشە دەسڕەنگینەگان وەگەرد سەردەمەیل، دروسکەر سەرەکی بوین لە تامەیل رەنگینی ئەرا هەر گەلیگ یا کۆمەڵە ئنسان، و شایەت ئەو پیشەیلە ک پەیوەندی دیرێد وەژیان مەردم، خوەی ئەوەسە ک وەردەوامی دەێد دویای بنەوگردنی لە یاد ئەیەم ئەرا دەیان یا سەدان یا شایەت هزاران ساڵ.
پیشەو ودەسڕەنگینی پەیوەندیدار وە قۆناغ ئەوزەڵی و مناڵی، ئەرا توخمارەی ئایەم لە پلەی ئەو کارەیلە تیەێد ک وەردوەامی دیرێد، و نەوەگان وەری گردن لەوەر گرنگی.
پیشەی هەرویلک چووین هەیتاوەیی، لە پیشە دەسیە کەمەگانن ک شیوە کۆنەگەی هەڵگردگە لە ماوەی سەد ساڵ لە کوردستان، وهیمان بازاڕیگ لەناو کۆمەڵگای کورد دیرێد.
هەرویلک چووین هەیتاوەیی، هەرچەن کەفتە وەر رەخنەیل پزشکی چوونکە جوولەی مناڵەگە بڕێد، وە بەساننی لەناو هەرویلکەگە، بەڵکم وەکارهاوردنیگ جەماوەری دیرێد.
تا چەن ساڵیگ ئی پیشە لە چینە پیشەییه‌ دەسیەگان بوی ک لەژیر هەڕەشەی فەوتانن بوی دویای گەشەی پیشەسازی و ئامێری پیشەگان.
بەڵکم هاشم حەجی عەلی، یەکیگە لە پیشەییەگان ک دوکان خوەی دیرێد تایبەتە وە هەرویلک لە دهۆک دووپات کەێد ئەرا ئاژانس شەفەق نیوز؛ ک خەڵک ناوچەگە دووارە هاتنەو وەرەو وەکارهاوردن هەرویلک چووین و لە دوکانەیل دارتاش تایبەت وە دروسکرنی سیننەی.
هاشم، ک ئی پیشە لە باوگو باپیری بردگە، ئی کارە لە ١٩٩٦ وه‌ هووكاره‌ بویە.
شەفەق نیوز قسە وەلیا کردیاد، و خوەی داشت لەبان چوەگە کوتیاد، هویچ پرسیاریگ نەژنەفت، پرسیارەگە دووارە کردیمنە بانی، دەربارەی سروشت ئی کارە، وت: پیکهاتە سەرەکیەگەی ئی کارمانە خوەی چووە، بڕیمنەوەی و راسیەو کەیمن، وەگورەی رووبەرەگان ک خوازیمنەی، ئیجا کوتە چوەگان چەسپنیمنە یەک وە پێکهاتەیل چەسپانن وه‌ بسمار، وئی کارە تا کۆتاییەگەی ساعەتیگ یا ساعەت و نیمیگ بەێد تا یەک هەرویلک ئامادە بوود.
هاووڵاتی چنار حسێن، هاتیەسە بازاڕەگە تا هەرویلیکیگ ئەرا مناڵەگەی بسینێد، و یەکیگ پەسەن بکەێد لەناو دەیان، قسە ئەرا ئاژانس شەفەق نیوز کرد لە چوونیەتی وەکارهاوردن هەرویلکەگە وجیوازیەگانی.
لەی باوەتەو ئووشێد: پەت وەکارتیەرێمن ئەرا بەسانن کورپەگە لەناو هەرویلکەگە، ئیجا لەقنیمنەی ئیجا کورپەگە وەزوی خەویەو بەێد، و تا ئەوەنە کارەیل ماڵەگە تەواو کەێمن نیەتێدە خەوەر.
چنار هەمیش ئووشێد: سێ مناڵم وە هەرویلک گەورا کردمە، ئیسە هاتمە تا هەرویلک نوویگ بسینم، ک نرخەیل ئیلا گونجیاگە، هەرویلک هەس وە ٢٥ هەزار دینار لە مۆدێلە نووەگان ک نەقشە هاوە پیەو و چەن جیوازییگ تر، و هەمیش وە ٢٠ هەزار هەس لە مۆدێلە کۆنەگان.
جی باسە ک دروسکردن هەرویلک چووین شیوە کۆنەگان خوەی هەڵگرد، و وەرانوەر ئامێر وە مەنین خوەی گرد، پیشەی دەسڕەنگین کۆنیگە، وەبی دەسوەردان نووەکردنی لەلی، تا رکابەر بەرهەمە نووەگان بوود وەبی فەوتان.