شەفەق نیوز/ خیزان شاهی بریتانی لەناو نیگەرانی گوزران کەن، چوینکە وەی نزیکە فیلمیگ لەباوەت ژیاننامەی کۆچ کردگ شازادە دیانا کەفێدەدەر، بیجگە راگەیانن ئەرا کتاویگ لەباوەت ژیاننامەی شازادە هاری ومیگان هاوسەری، دویای جیابوینیان لە خیزان شاهانه‌.
فیلمەگە ک لەبان پڵانتفۆڕمیگ ئەنتیرنیت بڵاو کریەێد، وباس مناڵی ژاوەژاو شازادە دیانا کەێد وگرەفتە تەندروسییەگەی لیخەروی. ئیجا باس لە هاوەسەری خوه‌ی وه‌ل شازادە چاڕڵز وچوار جا هەوڵدان ئه‌را خوەیکوشتنی کەێد. فیلمەگە وەردەکاری فرەیگ دەربارەی ژیان شازادەگە خەێدەدەر، وچشته‌یلێگ ک وەرجەیە باسی نەگریاگە، وبڕیگ لە دوسەیل نزیکی ونهینی پارێزییه‌و ، کەفنە پشت کامیرا ئەرا قسەکردن.
لای خوەیەو لیزی کاروڵ راوێژکار خیزانە شاهانه‌ وت؛ ئی فیلمە زەخمەیلیگ نوو کەێدەو، وفرەکەس زانێد خیانەت شازادە شارلز ئەرا شازادە دیانا وەگەرد کامیلا کارەگەری لەبانی داشت، وهێشتەی لە خەفەتیا پەنا بوەێدە پیاوەیل تر. جی باسە ک هردوگ لە خیزانە شاهانیەگە و خیزان شازادە دیانا رەزامەنی نەیان ک بەشداربوون لە فیلمەگە.