ياسايی نوێنه‌رايه‌تی: كاره‌يل هه‌رێم له‌باوه‌ت دراوردن وكلكردن نه‌فته‌و ده‌ستووريه
له‌تيف مسته‌فا ئه‌مين ئه‌ندام يژنه‌گه له به‌ياننامه‌يگ ئه‌را(شه‌فه‌ق نيوز)وت: مادده‌ی ١١١ له ده‌ستوور ئه‌وه ده‌رخستگه ك نه‌فت و غاز موڵك ملله‌ت عراقيه له هه‌ر يه‌ك له هه‌رێم و پاريزگايه‌يل و مادده‌ی ١١٢يش باس له دو چشت ئه‌كا، يه‌كه‌ميان ئداره‌ی نه‌فت و غاز، دويه‌ميش نه‌خش سياسه‌ته‌يل ستراتيجی خواست ئه‌را په‌ره‌داين وه نه‌فت وغاز.
ئه‌مين هه‌ميش وت: ده‌ستوور جياوازی كردگه له‌ناونی دو جوور له چاڵه‌يل نه‌فتی، ك ئه‌ويش چاڵه‌يل نه‌فتی ئيسه‌س ك له‌وه‌خت ئه‌نجامداين ده‌ستوور وجوود داشتنه‌و نه‌فت و غاز له‌ليان دراورياگه، ئنجا ئداره‌و فرووشتن و كلكردنی هاوبه‌شه له ناونی حكوومه‌ت ناوه‌ندی و حكوومه‌ته‌يل هه‌رێم و پاريزگايه‌يل و له‌حاڵه‌ت رويداين هه‌ر ناكووكييگ له‌ناونيان ئه‌وله‌ويه‌ت ئه‌را ياسای هه‌رێم يا پاريزگاس وه‌گووره‌ی دويا بڕگه له مادده‌ی ١١٥ له ده‌ستوور.
ج . أ
