پارتى گۆڤار و رووژنامه‌يلى وسان
شه‌فه‌ق نيوز/ پارت ديموكرات كوردستان، ك مه‌سعود بارزانى سه‌رۆكايه‌تيى ئه‌كا، بڕيار ئه‌وه دا گشت گۆڤار و رووژنامه‌يليگ سه‌ر وه ده‌زاى رووشنهويرى و ره‌سانن پارتى بووسنێد له‌وه‌ر خاتر زه‌مانه‌تكردن سه‌ڵامه‌تى كارمه‌نده‌يل له‌تى له ڤايرۆس كۆرۆنا، ئاماژه وه‌يه‌يش كرد ئى برياره تا 26 ئادار ئى مانگه وه‌رده‌وام ئه‌دێ.
ماڵپه‌ڕ پارتى له به‌ياننامه‌يگ ك شه‌فه‌ق نيوز ئاگادارى بوێ، وت: ده‌زگاى رووژنهويرى و ره‌سانن سه‌ر وه پارته‌گه دانيشتنيگ وه سه‌رۆكايه‌تى مه‌حمود محه‌مه‌د ئه‌ندام مه‌كته‌ب سياسى پارته‌گه‌و وه‌رپرس ده‌زگاگه ساز كردگه‌و له‌تى بڕيار درياگه گشت گۆڤار و رووژنامه‌يل سه‌ر وه ده‌زگاى ناوبرياێ تا 26 ئى مانگه داخريه‌ێد.
به‌ياننامه‌گه يه‌يش ده‌رخست له‌و دانيشتنه سه‌ربار ئه‌وه‌گ مه‌زه‌نه‌يگ ئه‌را به‌رنامه‌و رێ وشوونه‌يل له‌وه‌رگيرياێ ئه‌را مقه‌يه‌تى له ده‌زگاى ره‌ساننه‌گه له ڤايرۆس كۆرۆنا و پابه‌ندبوين وه رينمايه‌يل له‌و باوه‌ته‌و كرياگه، وه‌لێ وه‌ل ئه‌وه‌يشا بڕيار داگه گشت گۆڤار و رووژنامه‌يل سه‌ر وه ده‌زگاگه‌يش تا 26 ئى مانگه دابخريه‌ن، ك ئه‌و بڕياريشه هه‌ر يه‌ك له رووژنامه‌يل (هه‌ولێر ، ئه‌ڤرۆ، خه‌بات، گۆڤار گوڵان، رامان، سه‌فوره)ئه‌گرێده‌و.
