"هه‌سه‌ده" وه ته‌واوى خوه‌ى له سه‌رى كانى كيشاوه
2019-10-20 19:30:57
شه‌فه‌ق نيوز/ هيزه‌يل سورياى ديموكرات(هه‌سه‌ده)، وه ته‌واوى خوه‌ى له شار سه‌رى كانى مه‌رزێ كيشاوه، وه‌گووره‌ى ئه‌وه‌گ چه‌ودێر سوورى ئه‌را مافه‌يل ئاده‌ميزاد ئاشكراى كرد، ئه‌ويش له‌وه‌ر جيوه‌جيكردن ريككه‌فتن ناونى توركيا و ئه‌مريكا ئه‌را ئاگربه‌س.
ئه‌و ريككه‌فتنه باس له خوه‌يكيشانه‌وه‌ى هيزه‌يل سورياى ديموكرات كرد وه قويلايى 32 كيلۆمه‌تر ك دريژيه‌گه‌ى ديارێ نه‌كرياگه.
جى باسه، هيزه‌يل سورياى ديموكرات جه‌خت له‌وه كرد وه‌ل ريداين وه جه‌نگاوه‌ره‌يلێ ئه‌را ده‌رچگن له سه‌رى كانى، هيزه‌يلێ له‌ناوچه‌ى ناونى سه‌رى كانى و گرێ سپى وه دريژايى نزيكه‌ى 120 كيلۆمه‌تر ئه‌كيشێده‌و، وه‌لێ ئه‌نقه‌ره مكوڕه له‌بان خوه‌يكيشانه‌وه‌ى جه‌نگاوه‌ره‌يل كورد له ناوچه دريژايى 440 كيلۆمه‌تر له مه‌رزه‌يل عراقى تا ده‌رياچه‌ى فورات.
