شەفەق نیوز/ قایمقامیەت قەزای سەید سادق ، رووژ شەممە، راگەیان لە مردن رۆژنامەنووس بەهادین حەسەن، لەوەر ڤایڕۆس کۆڕۆنا.
حەسەن، ئەندام سه‌ندیكای رۆژنامەنووسەیل کوردستانە لق هەڵەبجە، تەمەنی هالە سەرەتای پەنجاگان، دویای خەفاننی لە خەسەخانە، و وەرگردن چارەسەری لە ئامێر هەناسەی دەسکرد، دویەشەو کۆچ دویایی کرد، لەوەر خراوبوین رەوش تەندروسیی، وەگورەی بایاننامەی قایمقامیەتەگە.
سەندێکای رۆژنامەنووسەیل کوردستان، جمعە، خەوەردا لە مردن رۆژنامەنووسیگ لەوەر تووشهاتنی وە ڤایڕۆس کۆڕۆنا، ک خوەی دویەم ئەندامە لە سەندێکاگە ڤایڕۆسەگە گیانی بسینێد.
سەندێکاگە لە بەیاننامەیگ رەسیە ئاژانس شەفەق نیوز وت: رۆژنامەنووس عەدنان سبینیا بەرخۆ ئمڕوو لە یەکیگ لە خەسەخانەیل مووسڵ کۆچ دویایی کرد، لەوەر تووشهاتنی وە ڤایڕۆس کۆڕۆنا.
وتیش؛ بەرخۆ ئەندامە لە سەندێکای رۆژنامەنووسەیل کوردستان، و باس خەفەتباری خوەی کرد لە مردن دویەم ئەندام سەندێکاگە، لە وەر کۆرۆنا، لە وەخت دیارکەفتن پەتاگە.