شەفەق نیوز/ فراکسیۆن پارت دیموکرات کوردستان، ئمڕوو سێشەممە، رەخنەدا له‌ بڕیارەگەی یەکێتی نیشتمان کوردستان کرد وە دویاخستن ئامادەبوینی ئەرا دانیشتنەگان پەرلەمان هەرێم کوردستان.
خۆشناو لە کۆنگرەیگ رۆژنامەوانی ك ئاژانس شەفەق نیوز ئامادەی بوی وت: نیەوود هیچ حزبیگ دانیشتنەگان پەرلەمان بووسنێد، و ئیمە وتیمن دانیشتن و کۆبونەوەگان نیوەسیمن تا کۆبونەوەی هەردوگ حزب پارتی و یەکێتی نەوەسیەێد.
وتیش: چەوەڕییمن هەردوگ حزبەگە کۆبونەوەیگ ناوبەینیان بووەسن، وەنە لە دویای ئەوە چەوەڕی هیچ حزبیگ نێکەیمن دەسوەردان لە باوەتەیل پەرلەمان بکەێد و پەکی بخەێد.
خۆشناو هەمیش وت: نادێ یەکێتی لە حکومەتەگە وەردەوام بوود و خوەی پەک پەرەلمان بخەێد، چوونکە دابەشکردن پۆستەگان و بەشداری لە کار سیاسی وەیەک فۆڵدەر هاتگە. جەختیش کرد ک هیچ بەڵگەی یاساییگ نیە وەگورەی سیستم ناوخۆیی ئەرا هیچ حزبیگ کار پەرلەمان پەک بخەێد.