دوياى ره‌ته‌وكردن پيشنياره‌گه‌ى.. ته‌ندروستى سلێمانى: ئاماده بوون ئه‌را تويشبوين تازه
شه‌فه‌ق نيوز/ ده‌زگاى ته‌ندروستى سلێمانى، نيگه‌رانى خوه‌ى ده‌رخست له زيايبوين حاڵه‌ته‌يل تويشبوين وه ڤايرۆس كۆرۆنا له پاريزگاگه‌و ئاماژه وه‌يه‌يش كرد پيشنياره‌گه‌ى ره‌ته‌و كرياگه له‌باره‌ى چه‌سپانن قه‌يه‌غه‌ى هاتوچوو له رووژه‌يل جه‌ژن و هه‌ر وه‌و خاتريشه پيشبينى زيايبوين حاڵه‌ته‌يل تر تازه‌ى تويشبوين ئه‌كا له رووژه‌يل ئاينده.
له‌ى باوه‌ته‌و، دكتۆر هێرش سه‌يد سه‌ليم، جيگر وه‌ريه‌وبه‌ر ته‌ندروستى پاريزگاى سلێمانى ئه‌را ئاژانس شه‌فه‌ق نيوز وت: دوياى زيايبوين حاڵه‌ته‌يل تويشهاتن وه كۆرۆنا، پيشنيار كرديم ئه‌را روێ وه‌ڕوێ بوينه‌وه‌ى ڤايرۆسه‌گه ك وه‌لاى كه‌مه‌و له رووژه‌يل جه‌ژن قه‌يه‌غه‌ى هاتوچوو بكريه‌ێد، وه‌لێ شانه‌ى قه‌يران ئه‌و پيشنياره ره‌ته‌وكرد، ك ئيمه‌يش هايم له‌و باوه‌ڕه له رووژه‌يل ئاينده حاڵه‌ته‌يل تويشبوين زياى ئه‌كا.
جى باسه، سه‌يد سه‌ليم هه‌ميش وت: مه‌ترسيه‌يلمان له ئيسه ئه‌وه‌سه ك نازانيم ئه‌راچه دوباره ڤايرۆسه‌گه بڵاوه‌و بوێ.
