شەفەق نیوز/ وەرپرسیگ تەندروسی، ئمڕوو شەممە، راگەیان ک خەسەخانەی جمهوری لە پارێزگای سلێمانی ک تایبەتە ئەرا چارەسەرکردن تووشهاتگەیل ڤایڕۆس کۆرۆنا رووژانە ٢٠ کەس لەناوی خاسەوبوون.
دکتۆر داهات حوێزی وەڕیەوه‌بەر خەسەخانەی شەهید هێمن لە وتاریگ ئەرا رۆنامەنووسەیل لە مەوقەی پرسەی ژنیگ لەکادرە تەندروسیەگان ک وە ڤایڕۆس کۆڕۆنا مرد، وت: خەسەخانەی جمهوری لە سلێمانی تەرخان کریا ئەرا بیمارە تووشهاتگەیل وە کۆڕۆنا، ک رووژانە ١٠٠ تووشهاتگ لەوەرا چارەسەری وەرگرێد، وەگوەرەی پڕۆتوکۆلەیل جهانی.
هەمیش وت: فرەی تووشهاتگەیل لەناو خەسەخانەگە رەوش تەندروسیان ئارام نیە، و بەشیگیان خوازێد ئەرا خەسەخانەی شەهید ئاسۆ رەوانە بکریەێد تا بکەفنە ژیر ئامێر هاناسەی دەسکرد.
دکتۆر حوێزی وتیش؛ لە خەسەخانەی جمهووری، رووژانە نزیکەی ٢٠ تووشهاتگ لە ڤایڕۆسەگە خاسەوبوون و وەردەوامی بلازمای خوین وەخشنن ئەرا رزگارکردن ژیان ئەو تووشهاتگەیل.