شه‌فه‌ق نيوز/ به‌شير حه‌داد جيگر سه‌رۆك ئه‌نجومه‌ن نوێنه‌ره‌يل عراقى به‌شدارى له‌ كۆنگره‌ى (بارزان و جينۆسايد)كرد ك له‌شار هه‌وڵێر ساز كريا وه‌بوونه‌ى 36ه‌مين ساڵياد پرووسه‌يل له‌ناوبردن وه‌جه‌م دژ بارزانيه‌يل له‌لايه‌ن رژێم وه‌رينه‌و.

ئه‌و كۆنگره‌ وه‌ سه‌رپه‌رشى يه‌كێتى ژنه‌يل كوردستان ساز كريا وه‌هاوكارى وه‌ل زانكۆى سترانفۆرد ئه‌مريكى له‌ هه‌ولێر وه‌ ئاماده‌بوين شماره‌ى فريه‌يگ له‌ خيزان قوربانيه‌يل و شماره‌يگ له‌ وه‌رپرسه‌يل له‌ حكومه‌ت هه‌رێم و كه‌سايه‌تيه‌يل سياسى و رووشنهويرى و نوێنه‌ر ريكخرياگه‌يل كۆمه‌ڵگاى مه‌ده‌نى.

جى باسه‌، حه‌داد له‌و كۆنگره‌ وت: كار ئه‌كه‌يم و هه‌وڵ ئه‌يه‌يم له‌ ئه‌نجومه‌ن نوێنه‌ره‌يل ئه‌را قه‌ره‌بووكردنه‌وه‌ى ماددى و مه‌عنه‌وى خيزان قوربانيه‌يل و ناساندن مه‌سه‌له‌گه‌و ناوده‌وڵه‌تيكردنى و ئاگاداركردنه‌وه‌ى جه‌هان له‌بان قه‌واره‌ى ئه‌و تاوانه‌يل ئه‌نفاله‌ ك دژ ملله‌ت كورد ئه‌نجام دريا له‌لايه‌ن پياوه‌يل رژيم وه‌رين له‌ ساڵه‌يل هه‌يشتاى سه‌ده‌ى وه‌رين.