تيميگ يابانى شوونه‌واريگ ته‌مه‌نى 3 هه‌زار ساڵه له هه‌رێم كوردستان ئاشكرا كرد
2019-08-31 19:44:13
شه‌فه‌ق نيوز/ هه‌ڤاڵ ئه‌بو به‌كر پاريزگار سلێمانى وه ياوه‌رى هه‌ر يه‌ك له كه‌مال ره‌شيد ره‌حيم وه‌ڕيه‌وبه‌ر شوونه‌وار سلێمانى و هاشم حه‌مه عه‌بدوڵڵا وه‌ڕيه‌وبه‌ر مووزخانه‌ى سلێمانى شوونه‌وار ياسين ته‌په له هامارى شاره‌زوور وه‌سه‌ر كرده‌وه.
ئى ته‌په كار گه‌ردين و توێژينه‌وه‌و هه‌ڵدانه‌وه له‌تى ئه‌نجام ئه‌دريه‌ێد له‌لايه‌ن تيميگ له زانكۆى سكوباى يابانى وه سه‌رۆكايه‌تى دكتۆر شين نيشياما، ك تائيسه ئه‌نجامه‌يليگ فريه خاس و دڵخوه‌شكه‌ر له‌تى وه‌ده‌س هاتگه و مێژووييشى ئه‌چێده‌و ئه‌را هه‌زاره‌ى يه‌كه‌م وه‌رجه زايين.
