بەسانەی شەوخەف ژنەگەی ک وەکۆڕۆنا مردگە.. ئه‌شکەنجەداین مامۆستایگ کورد لە کەرکوک
شەفەق نیوز/ یەکێتی مامۆستایان کوردستان لق کەرکوک، ئمڕوو چوارشەممە، شەرمەزار پەلامەرەگە لەبان مامۆستایگ کورد کرد ک تووش ڤاێرۆس کۆڕۆنا هاتگە.
یەکێتی مامۆستایان کوردستان لق کەرکوک لە بەیاننامەیگ رەسیە ئاژانس شەفەق نیوز وت: شەرمەزار و رەتکردن سەختیگ کەێد لە ئەو پەلامار ناشرینە ک یەکیگ لە هاووڵاتیەیل کەرکوک کەفتە وەری، و خوەی ئیوەتکەر نەوەیلە و مامۆستای خوەنەواری کوردیە، ک زیندانی کریا و کەلەبچە نانە دەسەیلی وە بەسانەی شەوخەوف ژنەگەی ک لەوەر کۆڕۆنا مردگە، و هەمیش خوەی تووش بیماریەگە هاتگە، لە شیوەیگ دڵ لە خاوەن کردەوگان کرجەو کەێد.
وتیش، ئی پەلامارە وە پەلاماریگ لەبان گشت هاووڵاتیەیل کەرکوک دانریەێد و هەمیش لەبان دەسەی په‌روه‌رده، و لەوەختیگ شەرمەزار ئی کارە کەیمن ک هیچ واتەیگ مرۆوی لەناوی نیە، داوا لە گشت لایەنە پەیوەندیدارەیل کەیمن وە لێکۆڵینەوەی راسی ئەرا هاوردنەوەی سەروەری کەسوکار قوربانیەگە.
یەکێتیەگە داوا لە گشت نوێنەرەیل پارێزگاگە لە پەرلەمان کرد وە دەسوەردانیگ زوینە ئەرا چارەسەرکردن ئی سوکایەتیەیلە لەناو سیستم تەندروسی لە شارەگە، و دووپاتکرد لە پشتگیری تەواوەتی و وەردەوامیی ئەرا ئی هاووڵاتیە وەرجەیە بوودە مامۆستایگ ئەرا هاوردن مافەیل دارایی و دەروونی.
لە لای خوه‌یانیش نوێنەرەیل لیست یەکێتی نیشتمان کوردستان لە پارێزگای کەرکوک، بانگەواز ئەرا عوسمان غانمی کردن وە لێکۆڵینەوە کردن لە تاوان دەسبەسانن مامۆستایگ وە شەوخەف ژنەگەی ک لەوەر ڤایڕۆس کۆڕۆنا مردگە.
رێبوار تەها نوێنەر لیستەگە لە کەرکوک لە بەیاننامەیگ ئمڕوو وت: مامۆستاگە هابان مەلاک وەڕیەوبەرایەتی پەروەردەی پارێزگای کەرکوک '' محمد کەریم فەقی'' هاوسەرەگەی لەوەر تووشهاتنی وەڤایڕۆس کۆڕۆنا مرد لە خەسەخانەی گشتی کەرکوک، و پۆلیس دەسی بەساگە شەوخەف ژنە مردگەگەی، دویای مرافەیگ وەقسەکردن.
وتیش: ئی رەفتار ناشرین و خراوە لە نوای مامۆستایگ لەی رەوشە لەبان لەدەسچگن هاوسەرەگەی بیجگە دەرچگن وینەیلیگ ئەرا ماڵپەڕەیل پەیوەندی وە میدیاگان، بویە هاندەر شەرمەزارکردن دانیشتوه‌یل کەرکوک، ونەبایەسە لەبانی بیدەنگی بوود.
تەها داوا لە غانمی کرد وەکردنەوەی لێکۆڵینەوەیگ لە رووداوەگە، و سزادان لایەنە وەرپرسەگە لەی كردار نا رەوشتیە.
