بارزانى ئاگادار شا عه‌بدوڵڵا كرد له‌وه‌گ هه‌رێم پيشوازى له وه‌به‌رهاوردن ئوردنى ئه‌كا
شه‌فه‌ق نيوز/ مه‌سرور بارزانى سه‌رۆك هه‌رێم كوردستان، وه‌ل شا عه‌بدوڵلاى دويه‌م پادشاى ئوردن دانيشت و مه‌سه‌له‌يل هاوبه‌ش وه‌ليا تاووتوێ كرد و وت: هه‌رێم كوردستان پيشوازى له وه‌به‌رهاوردنه‌يل ئوردنى ئه‌كاو له هه‌مان وه‌خت سوپاسگوزارييش له رۆڵ محوه‌رى شاى ئوردن كرد له هه‌وڵه‌يلى ئه‌را جيگيركردن ئاسايش و سه‌قامگيرى و وسيانى وه‌ل ملله‌ت عراق و ملله‌ت كوردستان.
بارزانى ك ئمڕوو وه سه‌رۆكايه‌تى شانديگ باڵا و له يه‌كه‌م سه‌ردانى ئه‌را ئوردن له‌وه‌ختيگه‌و پۆسته‌گه‌ێ وه‌رگرتگه وه‌ل پاشاى ئوردن باس له هه‌ماهه‌نگى هاوبه‌ش له‌ناونى هه‌ردوگلا كرد له بوار ئاسايش هه‌رێمى و روێ وه‌ڕوێ بوينه‌وه‌ى تيرۆر، وه‌تايبه‌ت له عراق و سوريا.
له به‌ياننامه‌ى حكومه‌ت هه‌رێم باس له‌وه كريا، له‌و ديداره باس له ريه‌يل پته‌وكردن هاريكارى بازرگانى و وه‌به‌رهاوردن له‌ناونى هه‌رێم كوردستان و ئوردن كرياگه له‌ساى توانايه‌يل ئابوورى هاوبه‌ش له‌گشت كه‌رته‌يل.
لاى خوه‌ييشه‌و، شا عه‌بدوڵڵا وت: خوه‌شاڵم وه ديدار براى ئه‌زيزم مه‌سرور، و ئاماده‌گى وڵاته‌گه‌يشى ده‌رخست ئه‌را پته‌وكردن ئاڵشت وئوڵشت بازرگانى وه‌گووره‌ى به‌رژه‌وه‌ندى هه‌ردوگلا.
