ئه‌ردوغان وه ته‌له‌فۆن پشتگيرى توركيا له سه‌رۆكايه‌تيه‌گه‌ێ بارزانى ده‌رخست
2019-05-31 09:50:58
شه‌فه‌ق نيوز/ ره‌جه‌ب ته‌يب ئه‌ردۆغان سه‌رۆك توركيا، ئاشكراى پشتگيرى وڵاته‌گه‌ى ئه‌را نێچيروان بارزانى ده‌رخست له پۆسته تازه‌ى سه‌رۆكايه‌تى هه‌رێم كوردستان.
ئه‌ردۆغان له په‌يوه‌ندييگ ته‌له‌فۆنى وه‌ل نێچيروان بارزانى وه‌رده‌وامى پشتگيرى كۆمار توركيا له هه‌رێم كوردستان و عراق نيشانداو و داوه‌تنامه‌يگيش ئاراسته‌ى بارزانى كرد ئه‌را سه‌ردان توركيا له‌وه‌ر پته‌وكردن په‌يوه‌نديه‌يل و ئاڵشت وئوڵشت هوير وڕا.
جى باسه، لاى خوه‌ييشه‌و بارزانى ئاماده‌گى هه‌رێم كوردستان ده‌رخست ئه‌را پته‌وكردن په‌يوه‌نديه‌يل وه‌ل توركيا له سه‌رجه‌م بواره‌يل.
