گومرگ له‌باره‌ى په‌ككه‌فتن ئامێر وشكانن جانتايه‌يل له ته‌ياره‌خانه‌ى نه‌جه‌ف ئاشكراكردنيگ دا
2019-10-13 09:46:27
شه‌فه‌ق نيوز/ ده‌سه‌ى گشتى گومرگه‌يل، ئاشكراى ئه‌وه كرد ك ئامێر وشكانن جانتايه‌يل(سۆنار) له ته‌ياره‌خانه‌ى نه‌جه‌ف وه‌شيوه‌يگ ئاسايى كار ئه‌كاو تويش هويچ په‌ككه‌فتنيگ ناتگه.
ده‌سه‌ى گشتى گومرگه‌يل له به‌ياننامه‌يگ ئه‌را شه‌فه‌ق نيوز، ئه‌وه ده‌رخست ك كادره‌يلێ له ته‌ياره‌خانه‌گه كار له‌بان ئامێر وشكانن جانتايه‌يل ئه‌كه‌ن وه‌شيوه‌يگ پيشه‌يى وه دريژايى بيس وچوار سه‌عات و ئامێره‌گه‌يش له كار نه‌كه‌فتگه.
جى باسه، ده‌سه‌گه له به‌ياننامه‌گه‌ى داوا كرد تومه‌ت دروو ئه‌راى نه‌كريه‌ێد وه‌بى به‌ڵگه‌و داوايش له هووكاره‌يل ره‌سانن كرد زانياريه‌يل وه دقه‌ته‌و وه‌ربگرن و بڵاوى بكه‌ن له سه‌رچه‌وه‌يل باوه‌ڕ وه‌پيكرياێ تا وه ته‌واوى بڕه‌سننه‌ى مه‌ردم وه‌بى دروو.
