شه‌فه‌ق نيوز/ محه‌مه‌د كه‌ربولى ئه‌ندام ئه‌نجومه‌ن نوێنه‌ره‌يل عراقى ئاشكراى ئه‌وه‌ كرد گرووپيگ چه‌كدار ك كار له‌ مه‌يدان عراقى ئه‌كا نامه‌يگ هه‌ڕه‌شه‌ ئاراسته‌ كردگه‌ ئه‌را كوشتن محه‌مه‌د حه‌لبوسى سه‌رۆك په‌رله‌مان.

كه‌ربولى له‌ باسيگ ته‌له‌فزيۆنى وت: ئه‌و هه‌ڕه‌شه‌يله‌ ك ره‌سينه‌سه‌ حه‌لبوسى وه‌ بوونه‌ى هه‌ڵويستيه‌و بويه‌ له‌ قه‌يران ناونى ئيران و ئه‌مريكاو باس له‌وه‌يش كرد ك ئاگادار سه‌ركردايه‌تيه‌يل حه‌شد شه‌عبى و هاوپه‌يمانى بنياتنان له‌و هه‌ڕه‌شه‌ كرياگه‌و ئاماژه‌ وه‌يه‌يش كرد ك خه‌ت قرمز بايه‌سه‌ ئه‌را حكومه‌ت عراقى دابنريه‌ێد نه‌ك ئه‌را حه‌لبوسى.

جى باسه‌، سه‌رۆك ئه‌نجمومه‌ن نوێنه‌ره‌يل عراقى ئاراسته‌كردن ئيچنه‌ نامه‌يليگ هه‌ڕه‌شه‌ ئه‌را سه‌رۆك په‌رله‌مان وه‌ جورئه‌تيگ ناوبرد.