شەفەق نیوز/ سەلام شەمەری وەرپرس دەسەی کشتوکاڵی و ئاو وئەهوار پەرلەمانی، ئمڕوو چوارشەممە، دووپاتکرد ک دەسەگە یاسای وەخاوەنکردن زەویە کشتوکاڵیەگان ئامەدەی کەێد و وه‌ل قەرەبوو کردن هەڕەمەکیەگان، وتیش؛ ئەو یاسایلە راسییەگە لە کشتوکاڵی وئاوەدانی وەکارتیەرێد.
شەممەری لە بەیاننامەیگ رەسیە ئاژانس شەفەق نیوز وت: دەسەگە هالە قۆناغ ئامادەکردن رەشنووس پڕۆژە یاسای وەخاوەنکردن زەویە کشتوکاڵیەگان و قەرەبوو کردن هەڕەمەکیەگان.
شەمەری هەمیش وت: ئامادەکردن یاساگە وەگامەیل توێژینەکریاگ وەڕیەو چوود، و پەیوەندی کریا وە فەرمانگەی عەقاری زەویە کشتوکاڵەیەگان لە وەزارەت کشتوکاڵ وفەرمانگەی وەبەرهەمهاوردن ئەرا داناین هەڕەمەکیەگان لە ناو سیستم بنەماییەگ.
ناوچەیل گەورایگ لە پارێزگایل عراق وەگەرد بەغداد پایتەخت لەدویای ساڵ ٢٠٠٣ ، پێشێل کردن وە خوەی دوینەێد لەبان سیستمە بنەماییەگان شارەگان، لە دابشكرد زه‌وی ماڵەیل، وەگەرد ئاڵشتکردن بەشەیلیگ لە باخەگان ئەرا زەوی نیشتەجی بوین.
حکومەت عراقی و پەڕلەمان لە دەورەیل یاسایی وەریەن، نەتویەنست یاسایگ ئەرا چارەسەرکردن گرفت هەڕەمەکیەگان و زەویە کشتوکاڵیەگان دانەێد.