پيشنياريگ تازه ئه‌را حكومه‌ت عه‌لاوى خريا روێ
شه‌فه‌ق نيوز/ جوزى سلێوا ئه‌ندام ئه‌نجومه‌ن نوێنه‌ره‌يل, پيشنياريگ كرد ئه‌را محه‌مه‌د ته‌وفيق عه‌لاوى راسپارياگ ئه‌را سه‌رۆكايه‌تى حكومه‌ت وه دامه‌زرانن حكومه‌ته وه‌ختيه‌گه‌ى له‌ڕێ كانديده‌يل له رووڵه‌ى پيكهاته‌يل.
سلێوا له باسيگ ئه‌را شه‌فه‌ق نيوز موخاتبه‌ى عه‌لاوى كرد و وت: له‌وه‌ر ئه‌وه‌گ جه‌نابد هه‌وڵ ئه‌وه ئه‌يه‌ێد حكومه‌ته تازه‌گه‌د تايفى نه‌دێ(خوه‌د وه‌ته‌نى)، راد چه‌س حكومه‌ته‌گه‌د وه‌زيره‌يلى له‌و كه‌سه‌يله دامه‌زريه‌ێد ك ده‌سيان وه گه‌ناته‌رى تيكه‌ڵ نه‌ويه له روڵه‌ى پيكهاته‌يل ره‌سه‌ن ناونى دوچه‌مان له ئێزيديه‌يل، مه‌ندائيه‌يل, كلدان سريان ئاشوورى، مه‌سيحيه‌يل وه‌بى عه‌ره‌ب شيعه و سنى و كورد؟.
سلێوا هه‌ميش وت: وه دريژايى 17 ساڵ گزه‌يشت, ئه‌وان زوورمينه‌ى ئه‌ندامه‌يل حكومه‌ت يه‌ك له‌شوون بوينه‌و بيجگه ويرانكارى و گه‌ناته‌كارى و تايفى به‌رهه‌ميگ تر نه‌ياشتنه‌و باوه‌ڕم ئه‌وه‌سه ئيسه ده‌رفه‌ت خاسيگه ئه‌را ئه‌زمون تازه.
