شەفەق نیوز/ جمال کۆچەر ئەندام دەسەی دارایی لە پەڕلەمان عراق، ئمڕوو شەممە، داوا لە حکومەت عراق کرد، شاند دانوستان دروس بکەێد، ئەرا دویاخستن قەرزدانەوەی دەیشت عراق.
کۆچەر ئەرا ئاژانس شەفەق نیوز وت؛ قەرز دەیشت لەبان عراق، وەگورەی بوودجەی ٢٠١٩ لە ١٥ ملیاردۆلار فرەتره‌. ئیمە جوور دەسەی دارایی لە پەڕلەمان عراق، داوا لە حکومەت عراق کردیمن، شاندەیل دانوستان درەوس بکەێد، تا داوا لە ئەو دەوڵەتەیلە بکەێد ک قەرزیان هالای عراق، له‌وەر بارودۆخ دارایی وئابووری وڵاتەگە، قەرزدانەوگان دویابخەن،.
دیاریش کردی ک؛ داوا کردیمن لە عەلی عەلاوی وەزیر دارایی، بایدە پەڕلەمان عراقی، تا فایەلەیل چگنی ئەرا سعودیە و کوەیت بخەیدە وەرچەومان، وه‌ل فایلەیلیگ تر، وەلی ئەرامان وت؛ من هیمانی نووم، وداوای دەرفەتیگ لە ئەندامەیل کرد،ئیجا وەلیا دانیشیمن، ئیمەیش ئی داوا پەسەن کردیمن.
عراق زیان دوونێد لە قەیرانیگ دارایی، له‌وەر داوەزین نرخ نەفت، ولەدەسچگن زیاتر لە ٥٠% لە ئەرزشەگەی وەهۆی پەتای کۆڕۆنا ک پەک ئابووری جهانی خست. عراق پشت وه‌ داهات نەفت به‌سێ ئەرا خەرج کردن دەور ٩٠% لە خواست دەوڵەتەگە.