په‌رله‌مان عراق له‌باره‌ى تويشهاتن 10 له ئه‌ندامه‌يلى وه ڤايرۆس كۆرۆنا ئاشكراكردنيگ دا
شه‌فه‌ق نيوز/ فه‌رمانگه‌ى ره‌سانن ئه‌نجومه‌ن نوێنه‌ره‌يل عراقى، تويشهاتن شماره‌يگ له ئه‌ندامه‌يلى وه ڤايرۆس كۆرۆنا خسته دروو.
فه‌رمانگه‌گه له به‌ياننامه‌يگ وت: بڕيگ له هووكاره‌يل ره‌سانن ناوچه‌يى و ناوده‌وڵه‌تى هه‌واڵيگ بڵاوكردنه و له‌تى باس له تويشهاتن 10 كه‌س له ئه‌ندامه‌يل ئه‌نجومه‌ن نوێنه‌ره‌يل وه ڤايرۆس كۆرۆنا كردنه، ئيمه‌يش له‌لاى خوه‌مانه‌و وه‌ته‌واوى ئيچنه هه‌واڵه‌يليگ ئه‌خه‌يمنه دروو ك هويچ بنه‌مايگ له‌ڕاسى نه‌يرێد و داوايش له هووكاره‌يل ره‌سانن ئه‌كه‌يم وه دقه‌ته‌و مامڵه وه‌ل جيوازكردن هه‌واڵه‌يل بكه‌ن و ته‌ماشاى سه‌رچه‌وه‌يلێ بكه‌ن.
يه‌يش له‌وه‌ختيگ ئمڕوو سپوتنيك رووسى له زووان خوه‌ى وه‌ته‌نى سه‌رچه‌وه‌يگ عراقييه‌و، وت: ده‌رئه‌نجامه‌يل وشكانن تاقيكاريه‌يل له تاقيگاى ته‌ندروستى ناوه‌ندى له به‌غداى پايته‌خت باس له تويشهاتن 10 ئه‌ندام په‌رله‌مان عراقى وه ڤايرۆس كۆرۆنا كردگه ك گوايا بڕيگ له‌ليانيش نزيكن له فه‌سيله‌يل و كه‌سايه‌تيه‌يل سه‌ر وه‌ئيران.
