شەفەق نیوز/ وەزارەت دەرەوە، ئمڕوو سێشەممە، راگەیان داوای هاتن باڵوێز ئەنقەرە لە بەغداد ئه‌را وه‌زاره‌ته‌گه‌ كرد، لە پشت پەلامار ئاسمانی تورکیا لە باکوور عراق، ک بویە پێشێلکاری لە سەروەری زەوی و ئاسمان عراق، وداوای سنورناینیگ ئەرا ئی کارەیلە کرد.
وەزارەتەگە لە بەیاننامەیگ ك رەسیە ئاژانس شەفەق نیوز وت؛ داوای هاتن فاتیح یەڵدز باڵوێز تورکیا لە عراق کرد، لە بان پەلامارئاسمانی تورکیا ک ژمارەیگ لە ناوچەیل باکوور عراق گردەو، وبویە هه‌ڕه‌شه‌ ترساننیگ ئەرا دانیشتوەیل.
وتیش؛ جیگر وه‌زیر، باڵوێز عەبدولکەریم هاشم، چەوی کەفتە باڵوێز تورکی و یادداشت ناڕەزایی داگە دەسیەو، ك رەتکردن حکومەت عراقی لەتی بوی لەبان پێشێلکردن حورمەتو سەروەری زەوی وئاسمان عراقی.
وەزارەتەگە هەمیش وت؛ پێشێلکاری تورکی شکست پەیمانە ناودەوڵەتیەگان ورێسایل یاسای ناودەوڵەتی پەیوەندیدار، و پەیوەندی برادەری، وبنەمایل هاوسا خاسی، و رێزگردن وەرانوەری، وداوا لە تورکیا کرد لە وسانن ئۆپراسیۆنە سەربازیە یەکلایەنەگان، و باس لە ئامادەبوین حکومەت عراق کرد لە هاوکاری هاوبەشانە لە کۆنتڕۆڵکردن ئاسایش سنور، وەشیەوەیگ بەرژەوەنی هەردولاگە دابین بکەێد.
وه‌زاره‌ت دەرەوی عراق داوای لە تورکیە کرد ئەرا وەجیهاوردن رێکارەیلیگ ئەرا وسانن ئی پێشێلکاریەیلە، ونواگردن لەلیان لە دویارووژ.