وێنه.. كارمه‌نده‌يل گريه‌به‌س له نه‌فت باكوور ناڕه‌زايه‌تى ئه‌نجام دان
2020-04-23 09:48:04
شه‌فه‌ق نيوز/ ئمڕوو په‌نجشه‌ممه، كارمه‌نده‌يل گريه‌به‌س له نه‌فت باكوور له كه‌ركوك گرده‌وبوينيگ ناڕه‌زايه‌تى ئه‌نجام دان ئه‌را داواكارى جيگيركردنيان له‌بان مه‌لاك هه‌ميشه‌يى.
له‌ى باوه‌ته‌و، په‌يامنێر شه‌فه‌ق نيوز وت: شماره‌يگ له كارمه‌نده‌يل گريه‌به‌س له نه‌فت باكوور له كه‌ركوك گرده‌وبوينيگ ناڕه‌زايه‌تى له‌وه‌رده‌م باڵه‌خانه‌ى وه‌ڕيه‌وبه‌ر گشتى ئه‌نجام دانه له‌وه‌ر داواكارى ئه‌را جيگيركردنيان له‌بان مه‌لاك هه‌ميشه‌يى وه‌گووره‌ى ئه‌و كتاوه ك وه‌زاره‌ت نه‌فته‌و هاتگه‌و ئاماژه وه جيگيركردنيان داگه له‌بان مه‌لاك هه‌ميشه‌يى له كۆمپانياى نه‌فت باكوور.
