شه‌فه‌ق نيوز/ جه‌مال ئه‌سه‌دى وشكاننكار گشتى له‌ وه‌زاره‌ت ناوخوه‌يى، وت: ياسا موڵه‌ت وه‌ وه‌زاره‌ته‌گه‌ داگه‌ موڵه‌ چه‌ك بيه‌ێده‌ كه‌سه‌يليگ و يه‌يش ده‌رخست ك 44 هه‌زار موڵه‌ت درياگه‌و باس له‌وه‌يش كرد ك فه‌رمان درياگه‌ ئه‌و كه‌سه‌يليشه‌ ده‌سنيشان بكريه‌ن له‌ حاڵه‌تيگ ئه‌گه‌ر ته‌قه‌ بكه‌ن له‌ بوونه‌يل.

ئه‌سه‌دى له‌ لێدوانيگ ك له‌لايه‌ن رووژنامه‌ى ئه‌لسه‌باح نيمچه‌ فه‌رميه‌و بڵاو كريا، وت: ياساى چه‌ك شماره‌ى 51 ساڵ 2017، رێ وه‌ وه‌زاره‌ت ناوخوه‌يى داگه‌ وه‌ته‌نيا موڵه‌ت چه‌كهه‌ڵگرتن وه‌ كه‌سه‌يليگ بيه‌ێد له‌ چين و پيكهاته‌و وه‌زيفه‌يل جياجيا.

جى باسه‌ ئه‌سه‌دى يه‌يش ده‌رخست ك شماره‌ى ئه‌و موڵه‌ته‌يله‌ به‌رزه‌و بويه‌ ئه‌را زياتر له‌ 44 هه‌زار موڵه‌ت و باس له‌وه‌يش كرد ده‌زگايه‌يل سه‌ربازى و ئه‌منى ناسنانه‌ى تايبه‌ت ئه‌را كارمه‌نده‌يليان ده‌رئه‌كه‌ن وه‌ل هه‌ڵگرتن چه‌ك حكومه‌تى وه‌گووره‌ى ياساو رينمايه‌يل.