وه‌رپرسيگ له دياله فه‌رمان لاوردن وێنه‌يل"خامه‌نه‌يى"و سه‌ركرده‌يل سێ ده‌وڵه‌ت دا
2020-05-22 11:25:39
شه‌فه‌ق نيوز/ عه‌بدوڵڵا حه‌يالى قايمقام باقووبه له پاريزگاى دياله، فه‌رمان لاوردن وێنه‌ى مه‌رجه‌عه‌يل و سه‌ركرده‌يليگ شيعه له ئيران و لوبنان و يه‌مه‌ن دا، ئه‌ويش دوياى دامه‌زراننيان له ناوچه‌يليگ له شارگه وه بوونه‌ى ساڵياد قودس.
حه‌يالى ئه‌را ئاژانس شه‌فه‌ق نيوز وت: باقووبه ئه‌وه نيه بازوو خوه‌ى نيشان بيه‌ێد، به‌ڵكوو ئيمه داناين وێنه‌ى مه‌رجه‌ع و سه‌ركرده‌يليگ غه‌يره عراقى ره‌ته‌و ئه‌كه‌يم و ئه‌ولاتر ئه‌وه‌سه وێنه‌ى مه‌رجه‌ع و سه‌ركرده‌يل خوه‌مان دابنه‌يم.
جى باسه، پاريزگاى دياله، رێ وشوونيگ تايبه‌ت ئه‌را ساڵياد رووژ جه‌هانى قودس ئه‌نجام دا، ك ئيران و بڕيگ له ده‌وڵه‌ته‌يل گشت ساڵيگ له دويا جومعه‌ى ره‌مه‌زان يادى ئه‌كه‌ن ك ئه‌ويش له‌بان داواكارى خومه‌ينى سه‌ركرده‌ى كووچكردگ ئيرانى.
