وه‌رسيگ ئاشكراى پلانه‌يل ئاينده‌ى سياسى و ئه‌منى حكومه‌ت كرد له كه‌ركوك
شه‌فه‌ق نيوز/ وه‌رپرسيگ عراقى ئاشكراى پلانه‌يل ئاينده‌يى حكومه‌ت ناوه‌ندى كرد له پاريزگاى كه‌ركوك كيشه له‌سه‌ر له‌ناونى هه‌ولێر و به‌غدا.
ئه‌و وه‌رپرسه ك نه‌تواس ناوى ئاشكرا بدێ، ئه‌را ئه‌لعه‌ره‌بى ئه‌لجديد وت: حكومه‌ت رێ نايه‌ێد ك هه‌ڵواژدنه‌يل هه‌ڕه‌شه له ئه‌من شاره‌گه بكاو باس له‌وه‌يش كرد پلانه‌يل حاڵ حازر ئاماژه وه مه‌ندنه‌وه‌ى شماره‌يگ له هيزه‌يل ناوه‌ندى ئه‌كا جوور خوه‌ى له كه‌ركوك و قابل زيايكردنيش ئه‌دێ له‌وه‌ر ئه‌گه‌ره‌يل هه‌ر كاريه‌يليگ تر ئه‌منى.
ئه‌و وه‌رپرسه هه‌ميش وت: رينماييش ئه‌دريه‌ێد ئه‌را ده‌سگيركردن ئه‌وانه‌گ وتار نه‌ته‌وايه‌تى ره‌گه‌زى و په‌لاماركارى بڵاو ئه‌كه‌ن و كۆمسيۆنيش قه‌وڵ له‌وه‌رگرتن گشت رێ وشوونه‌يليگ داگه ئه‌را دويره‌وخستن هه‌ر گه‌رده‌لويليگ نه‌ته‌وه‌يى ك كاريگه‌رى خراو داشتوود و يه‌يش ده‌رخست ك كۆمسيۆن هه‌ڵوژاردنه‌يل كه‌ركوك ئاڵشت ئه‌كريه‌ێد وه بوونه‌ى كيشه‌يل وه‌رين له‌باره‌ى ده‌سپاكيى و ئيجاريشه نه‌ته‌وه‌يل يه‌كگرتگ و ريكخرياگه‌يل چاودێريكه‌ر ناوده‌وڵه‌تى به‌شدار ئه‌كريه‌ێد له سه‌رپه‌رشى له‌بان هه‌ڵوژاردنه‌يل له‌ناو پاريزگاگه.
