شەفەق نیوز/ هاوپەیمان ''فەتح'' وەسەرپەرشتی هادی عامری سکرتێر ریخراو بەدر، ئمڕوو یەکشەممە، ئاشکرای ئامانجە راسیەگان کرد لە سەردان محمد جواد زەریف وەزیر دەرەوەی ئیران ئەر بەغداد پایتەخت، وچەوپیکەفتنی وەگەرد ژمارەیگ لە وەرپرسە عراقیەگان.
غەزەنفەر بەتیخ سەرکردە لە هاوپەیمان فەتح ئەرا ئاژانس شەفەق نیوز وت: سەردانەگەی زەریف ئەرا بەغداد، دووپاتکەێد لە پەیوەندیەیل ئیران و عراق و پاڵپشتیی، و لاداین بڕیگ گومان، ک سەرۆک وەزیران عراق دویرەو کەفت لە ئیران ، دویای وەرگردن حکومڕانی لەلایەن موستەفا کازمی.
ودیاری کرد ک سەردانەگە وەئامانج رەوانەکردن پەیامیگە ئەرا دەوڵەتەیل خەلیخ وەتایبەت سعودیە، ک تەهران ئامادەیە ئەرا وەیەکرەسینەوە، لەری عراق. سەردانەگەی زەریف لەی کارە دویر نیە، و عراق توێنێد ئی دەورە بڕانێد، و لە بەرژەوەنی عراق نیە وەگەرد به‌ره‌ێگ بوود وەدژ به‌ره‌یگتر .
بەتیخ هەمیش وت: سەردانەگەی زەریف ئەرا بەغداد، هەمیش ئەرا چەودیری کردن هات لە باوەت کوشتن قاسم سولەیمانی فەرماندەی فەیلەق قودس ئیرانی.