شەفەق نیوز/ هاوپەیمان سایرون، ئمڕو شه‌ممە، هەڵوێستە فەرمیەگەی لە خاسەوکردن یاسای هەڵبژاردن پەڕلەمانی راگەیان ، ودووپاتکرد لەبان پەڵپەگەی وە پەسەن کردن سیستم بازنەی هەڵبژاردن ژمارە دیاری، ک بوودە ٢٤٠ بازنە.
حەمدەڵا رکابی قسەکەر وەناو سایرون لە کۆنگرەی رۆژنامەوانی، ئمڕو لەناو پەڕلەمان ک پەیامنێر ئاژانس شەفەق نیوز لەناو بوی وت: لەبان بنەمای چینمان وەرەو قۆناغ گرنگیگ لە کار سیاسی، وپشتگردن دەور دامەزراوە حکومەتیەگان، ئاڵشبویەیل گشتی لە ناو مەیدان عراق نایمنە وەرچەومان، ك گرنگترینیان داواکاریه‌ راستەقینەگان جەماوەره‌ ك لە خۆپیشاندانە ئاشتەوایەگان له‌ ژمارەیگ لە شارەیل عراق گردەو بوین و داوای كردن.
وتیش؛ هاوپەیمان سایرون هاوەل خاسەوکردن یاسای هەڵبژاردن، وپەسەن کردن سیستم بازنەی هەڵبژاردن وه‌ شیوه‌ی ژمارە دیار ک بوودە ٢٤٠ بازنەی هەڵبژاردن، جوور گونجیاگترین پەسەن ونزیکترینی ئەرا خواسته‌یل گەل عراق، لە پەسەنکردن نوێنەرەگانی، وفێڵنەکردن لەبان خواستەگانی، ودەسکاری نەکردن لە دەنگەگانی، وهەر کورسی پەڕلەمانییگ لەناو یەک بازنەی هەڵبژاردن بوود، وەل ٩ کورسی ئەرا ماف کەمینەگان، و ٨٠ کورسی ئەرا ژن.
رکابی وتیش؛ سیستم بازنەیل هەڵبژاردن ژمارە دیاری كریاگ، ئەرا گشت چینەیل کۆمەڵگای عراق مسۆگەر بەشداری گەورایگ لە هەڵبژاردن کەێد ، وزه‌مینه‌ی بەشداری خاستر کەێد وه‌ دویرلە زاڵەوبوین سیاسی ودەسوەردان خراو ئەرا بڕیگ لە لایەن و حزبەگان، رەوشیگ لە رکابەری بەرهەمداردرو‌س ئه‌كا، تا ئەنجامەگانی وەگورەی خواست دەنگدارەگان وەخاسی بادەو.
قسەکەر وەناو سایرون دووپات کرد ک هاوپەیمانەگەی دووپات کەێد لەگرنگی کارکردن راسكانی ئەرا ئامادەکردن زەمینەی هەڵبژاردنیگ ئارام، تا بەشداریکردنیگ گورج ئەرا دەنگدەرەیل و کاندیدەیل لەتی بوود، وەل کۆمسیۆنیگ باڵای سەروەخوەی ئەرا هەڵبژاردن تا هەڵبژادنیگ زوینە ئەنجام بیریەێد.
حەسەن کەعبی جیگر یەکەم سەرۆک ئەنجومەن نوێنەران، ئمڕو لەبان ناین دویاهەنگاوەگان ئه‌را بەڕنامەی یاسای هەڵبژاردنەگە جه‌خت كرد.