هاوپه‌يمان ناوده‌وڵه‌تى وه‌رده‌وام ئه‌دێ له عراق و شوونه‌يل داعش دياريكرد
شه‌فه‌ق نيوز/ وه‌رپرسيگ له هاوپه‌يمان ناوده‌وڵه‌تى وه سه‌رۆكايه‌تى واشنتۆن و وه‌به‌شدارى وڵاته‌يل عه‌ره‌بى و خوه‌رئاوا، وت: هاوپه‌يمانيه‌گه وه‌رده‌وام ئه‌دێ له راوناين پاشماوه‌يل داعش له‌ناو خاكه‌يل عراقى سورى وه هاوكارى وه‌ل هاوپه‌يمانه‌يل ناوچه‌ييه‌گه‌ێ.
له‌ى باوه‌ته‌و، مايڵز كاغينز قسه‌كه‌ر فه‌رمى وه‌ناو هاوپه‌يمان ناوده‌وڵه‌تى له لێدوانيگى ك له‌لايه‌ن كه‌ناڵ ئه‌لعه‌ره‌بيه‌ى ئاسمانييه‌و ئاشكرا كريا وت: داعش له‌ناوچێ وه‌لێ وه‌ته‌واوى كووتايى وه‌پى ناتگه‌و ئه‌رامان ده‌ركه‌فت ك هيمان مه‌شق چالاكيه‌يل تاوانكارانه‌و دوشمنانه ئه‌كريه‌ێد.
كاغينز باس له‌وه‌يش كرد داعشيه‌يل خوه‌يان دوير له ناوه‌ند شاره‌يل شارنه‌و له ناوچه‌يل شاخاوى عراقى و له‌ناو دووڵ و ناوچه‌يل بياوان له سووريا، وه‌لێ نزيكيشه‌و بوون له ئاوايى و جارجاريش له شاره‌يل له‌وه‌ر پڕه‌وكردن هه‌وه‌جه‌يل بنه‌ڕه‌تييان له‌رێ دزيكردن له مه‌ردم ئاوايه‌يل نيشته‌جێ ده‌ورگرد ئه‌و شوونه‌يله ك له‌تيان وجوود ديرن و هه‌ميشه هه‌وڵ كۆنترۆڵكردن ئه‌و شوونه‌يله ئه‌يه‌ن ك زويتر له‌تيان بوينه، وه‌لێ توانا نه‌يرن.
