مه‌عسوم بڕياره‌يل له سێداره‌داين په‌سه‌ن كرد
2015-08-14 09:18:13
مه‌عسوم له وتاريگ له ته‌له‌فزيۆن فه‌رمى ك(شه‌فه‌ق نيوز)ئاگادارى بوى، وت: ئه‌خوازم ده‌سخوه‌شى له‌و رووڵه‌يلمانه بكه‌م ك به‌شدارى خوه‌ينيشانداين ناڕه‌زايه‌تى كردن وه‌خاتر داواكردن خاسسازى و گوزارشكردن له شكه‌ست زوورم ده‌زگايه‌يل ده‌وڵه‌ت له قوناغه‌يل وه‌رين و ئيسه له‌ڕوى پيشكه‌شكردن خزمه‌تگوزارى.
مه‌عسوم باس له‌وه‌يش كرد و وت: له‌وه‌ر خاتر مقه‌يه‌تيكردن له ئاسايش كومه‌ڵگا ره‌زامه‌نى خوه‌مان نيشاندايم له‌بان په‌سه‌نكردن ئه‌و برياره‌يل له‌سێداره‌داينه ك كه‌ڵه‌كه كرياوين له سه‌رۆكايه‌تى كۆمار له ماوه‌ى ساڵه‌يل گوزه‌يشت له‌وه‌ر هووكاره‌يل جوراوجوور.
جى باسه، سه‌رۆك كۆمار عراق ئاشكراى ئه‌وه‌يش كرد ك 700 حوكم له‌سێداره‌داين له سه‌رۆكايه‌تيه‌يل وه‌رين تا ئيسه وجوود ديرێد و كه‌ڵه‌كه كريانه.
