كۆمپانيايگ ئه‌مريكى 125 مێگاوات ئه‌را تووڕ كاره‌باى عراق زياێ ئه‌كا
2019-07-09 08:58:55
شه‌فه‌ق نيوز/ كۆمپانياى جه‌نراڵ ئه‌لكتريك ئه‌مريكى له كه‌رت وزه، ئاشكراى زيايكردن 125 مێگاوات ئه‌را تووڕ كاره‌با له عراق كرد له‌ماوه‌ى سێ مانگ.
له‌و باوه‌ته‌و، مه‌دحه‌ت مه‌رعبى وه‌رپرس كۆمپانياگه له خوه‌رهه‌ڵات ناوين ئه‌را شه‌فه‌ق نيوز وت: كۆمپانياگه ئى بڕه مێگاواته وه وه‌ختيگ قياسى ئه‌را ماوه‌ى سێ مانگ زياێ ئه‌كاو تيم كار كۆمپانياگه وه‌ل هاوتايه‌يليان له وه‌زاره‌ت كاره‌باى عراقى وه وه‌خته‌يل زيايه كار ئه‌كه‌ن له‌وه‌ر خاتر زيايكردن به‌رهه‌م.
مه‌رعبى باس له‌وه‌يش كرد ك هه‌وڵه‌يل وه‌رده‌وامن ئه‌را خاسسازى له مه‌كينه‌يل و جه‌ختكردن له كاركردنيان وه‌تايبه‌ت له‌وه‌خته‌يل گه‌رمى له وه‌رز تاوسان ك پله‌ى گه‌رمى له‌تى به‌رزه.
