كه‌ركوك پاشگه‌ز بويه‌و له قه‌يه‌غه‌ى هاتوچوو نيمچه‌يى و كرده‌ى گشتگير
2020-06-02 09:06:25
شه‌فه‌ق نيوز/ شانه‌ى قه‌يران له پاريزگاى كه‌ركوك، بڕيار چه‌سپانن قه‌يه‌غه‌ى گشتگير دا له‌سه‌رجه‌م پاريزگاگه.
له‌ى باوه‌ته‌و، شانه‌ى قه‌يران له به‌ياننامه‌يگ ئه‌را ئاژانس شه‌فه‌ق نيوز ئه‌وه ده‌رخست ك بڕيار داگه قه‌يه‌غه‌ى هاتوچوو گشتگير بچه‌سپنێد له‌گشت كه‌ركوك تا سه‌عات شه‌ش شه‌وه‌كى 7 حزه‌يران، وه‌ل پشووداين ده‌وام فه‌رمى له‌گشت ده‌زگايه‌يل ده‌وڵه‌ت ته‌نيا ئه‌و ده‌زگايه‌يله له‌لى بترازيه‌ێد ك ئه‌كه‌فنه وه‌ر بڕيار ليژنه‌ى باڵاى ته‌ندروستى و سه‌ڵامه‌تى.
به‌ياننامه وت: ريگه‌يش وه وازكردن نانه‌واخانه‌و سه‌موونخانه‌يل ئه‌دريه‌ێد له سه‌عات 6 شه‌وه‌كى تا 3ى دوياى نيمه‌ڕوو و ريگه‌يش وه وازكردن دوكانه‌يل سه‌وزى فرووشى و مادده‌يل خوارده‌مه‌نى و ميوه‌جات ئه‌دريه‌ێد له سه‌عات 7 شه‌وه‌كى تا 1 دوياى نيمه‌ڕوو.
