كازمى وه سه‌ردانيگ ره‌سيه موسڵ
2020-06-10 09:30:22
شه‌فه‌ق نيوز/ ده‌مه‌و شه‌وه‌كى ئمڕوو مسته‌فا كازمى سه‌رۆك وه‌زيره‌يل و سه‌ركرده‌ى گشتى هيزه‌يل چه‌كدار، وه سه‌ردانيگ ره‌سيه شار موسڵ پايته‌خت ناوچه‌يى پاريزگاى نه‌ينه‌وا له باكوور عراق.
زويتر به‌ياننامه‌يگ حكومى وت: كازمى سه‌ردان موسڵ ئه‌كا له ساڵياد داگيركردن شاره‌گه له‌لايه‌ن چه‌ته‌يل تيرۆريستى داعشه‌وه.
جى باسه، به‌ياننامه‌گه يه‌يش ده‌رخست ك مسته‌فا كازمى سه‌ركرده‌ى گشتى هيزه‌يل چه‌كدار دانيشتنيگ وه‌ل سه‌ركرده‌يل سه‌ربازى و ئه‌منى له باره‌گاى سه‌ركردايه‌تى فه‌رمانده‌يى نه‌ينه‌وا ئه‌نجام داگه.
