ئەیاد عەلاوی سه‌رۆك هاوپەیمان نیشتمانی، ئمڕوو پەنجشەممە، باس رێکخراو تەندروسی جهانی کرد ک ( نا توانایە)، وپێشنیار دروسکردن یەکیگتر کرد ک هەست وە مەترسیەگە بکەێد، ئەویش لە دویای بڵاوبوین ڤاێڕۆس کۆڕۆنا وئەو رێوشوێنە کە رێکخراوەگە وەرانوەری جیوەجیکرد.
عەلاوی لە بەیاننامەیگ ك رەسیە ئاژانس شەفەق نیوز وت؛ كاره‌یل رێکخراو تەندروسی جهانی لە باوەت ئامادەبوینی وەرانوەر پەتای کۆڕۆنا ک جهان گرته‌وه‌ر و ئەرا وسانن بڵاوبوینی، یا پێشبینی پەتاگە، یا هەرچشتیگ تر له‌و ئاستە نەوی، ، وەل بەڵگەنامیلیگ رون له‌ی باوه‌ته‌، ئیمە نیەتوێەنیمن ئایندەمان بخەێمنە دەس دامەزراویگ نا توانا.
عەلاوی پێشنیاری دروسکردن ئاژانس عەرەوی خستە وەردەس دەسەی پەیوەندیە عەرەویەو ناودەوڵەتیەگان، لە دویاترین کۆبونەوەیان وەل ئەمیندار گشتی گردەوکەر دەوڵەتە عەرەویەگان، تا بوودە شانەی قەیران وه‌تایبەت ئەرا پشتگیری لە تەندروسی وڵاتە عەره‌بیه‌گان، وتیش؛ ئەمینداریەتی گشتی گردەوکەرەگە ئی پێشنیارە وەرگرد، و دویای وەرگردن موڵەت له‌ دەوڵەتە یل عەره‌بی ، ئەوسا کار لەبانی کریەێد.
عەلاوی دووپات لەبان گرنگی پابەندبوین وە مەرجە تەندروسیەگان و رێنمایل مقەیەتی كرد، وپشتگیری لە رەنج و شه‌كه‌تی كادرە تەندروسیەگان و حکومەت كرد لە نواگردن بڵاوبوین کۆڕۆنا، جوور تەنیا رییگ ئەرا رەدبوین لەی قەیرانە.