شەفەق نیوز/ سادق عەتیە پێشبینکار کەشەوهەوا، ئمڕوو سێشەممە، پێشبینی کرد شەپۆل گەرم و سەختیگ لە هەفتەی ئایندە عراق بگرێدەوەر، و تا کۆتایی مانگ تەمووز مینێدەی.
عەتیە لەبان ماڵپەڕ فەیسبووک نووساد: شایەت خوەی سەختترینە لە مێژوو عراق، شەپۆل گەرمو سەختیگ پێشبینە لە سەرەتای هەفتەی ئایندە، کاریگەری لە گشت شارەیل وڵاتەگە داشتوود.
وتیش: هەرچەن پلەی گەرمی ئیسە لەئاست ٥٠ پلەی سەدی تۆمار کریاگە، بەڵکم لەی شەپۆلە پێشبینە ک بڕەسێدە ئاستەیلیگ پەیمانەیی لە نزیک ٥٣ سەدی لە باشوور و کەمیگ کەمتر لەوە لە شارەیل ناوڕاس و فوڕات ناوڕاسین، و بوودە نزیک ٥٠ سەدی لە ناوچەیل باکوور.
عەتیە پێشبینیکرد ؛ ئی شەپۆلە وەردەوام بوود تا کۆتایی ئی مانگە، ئیجا کەمیگ داوەزێد.