شەفەق نیوز/ سەرۆکایەتی کۆمار عراق، ئمڕوو جومعە، داواکرد لە وسانن پێشێل کاریەگان ک رەسێدە سەروەری نیشتمانی، لە ئەنجام ئەو ئۆپراسیۆنە سەربازیەیل دووارەکریاگ تورکیا ، وپێشیلکردن ئاسمان عراقی.
قسەکەر وەناو سەرۆک کۆمار، لە بەیاننامەیگ ئەرا رووژ جومعە ٢٦-٦-٢٠٢٠ دووپاتکرد؛ ک ئی کارەیلە پێشێل کاری ئاشکرایگە لە بنەمای خاس هاوسایی ، و پێشیلکردن روونیگە لە نەڕیتەو پەیمانە ناودەوڵەتیەگان.
بەیاننامەگە وت: سەرۆکایەتی کۆمار عراق داوای وسانن پێشێل کاریەگان کەێد، ک رەسێدە سەروەری نیشتمانی، لە ئەنجام ئۆپراسیۆنە سەربازیە دووارەکریایەگان تورکیا، و پێشیل کردن ئاسمان عراق، ک بڕیگ لە مەدەنیە بیچەکەگان لەلی بوینە قوربانی، ئی کارەیلە پێشیلکردن ئاشکرایگە لە بان بنەمای خاس هاوسایی، و پێشیلکردنیگ روونە لە نەریت و پەیمانە ناودەوڵەتیەگان.
لەوەختیگ سەرۆکایەتی کۆمار ئی پێشێلکاریەیلە رەت کەێد، له‌ هەمان وەخت گرنگی چارەسەرکردن گرفتە سنوریەگان و باوەتە ئەمنیەگان ناوبەین عراق و تورکیا دووپاتکەێد ، لەری هاوکاری و هەماهەنگی ناوبەینیان، ورەتکردن چاره‌سه‌ر یەکلایەنی باوەتە گیرهاتگەیل، و گرنگی رێزگردن لە سەروەری عراق.