سێ قه‌زا له سه‌ڵاحه‌دين تيكه‌ڵكردنيان وه يه‌ك بازنه‌يى هه‌ڵوژاردن ره‌ته‌و ئه‌كه‌ن
شه‌فه‌ق نيوز/ هه‌رسێ قه‌زايه‌يل بێجى و خورماتو و شه‌رگات سه‌ر وه پاريزگاى سه‌ڵاحه‌دين، تێكه‌ڵكردنيان وه يه‌ك بازنه‌يى هه‌ڵوژاردن له هه‌ڵوژاردنه‌يل ئاينده‌ى په‌رله‌مانى ره‌ته‌و ئه‌كه‌ن و وه‌رپرسه‌يليگ ئيسه‌و و وه‌رينيش ئى بڕيار تيكه‌ڵكردنه وه گومبوين ماف پيكهاته‌يل و نه‌ياشتن نوێنه‌راتى له په‌رله‌مان تاريف ئه‌كه‌ن.
له‌ى باوه‌ته‌و، مه‌حمود محه‌مه‌د جبورى قايمقام قه‌زاى بێجى له سه‌ڵاحه‌دين له باسيگ ئه‌را شه‌فه‌ق نيوز وت: بڕيار تيكه‌ڵكردن ئه‌و هه‌رسێ قه‌زاى ناوبرياگه له يه‌ك بازنه‌ى هه‌ڵوژاردن بڕياريگ سياسيه و نوێنه‌رايه‌تى خواست و ئيراده‌ى مه‌ردم ئه‌و قه‌زايه‌يله ناكا ك ئوميد وه داشتن نوێنه‌ر ديرن له په‌رله‌مان ئاينده‌ى عراقى.
جبورى باس له‌وه‌يش كرد مه‌ردم هويچ قسه‌گ له‌ى باوه‌ته‌و نه‌كردنه‌و بڕياره‌يليش ها لاى سياسيه‌يل و وه‌گووره‌ى به‌رژه‌وه‌ندى خوه‌يان حوكم وه‌پى ئه‌كه‌ن و له هه‌مان وه‌خت ره‌خنه له‌وه‌يش گرت قه‌زاى بێجى وه دريژايى ساڵه‌يل وه‌رين پشگووش خرياگه و داعش ويرانى كرد و كرده‌ى ويرانه‌يگ.
