سه‌رۆك كۆمار عراق دژ به‌ياننامه‌ى كوتايى لوتكه‌ى عه‌ره‌بييه
شه‌فه‌ق نيوز/ ئه‌حمه‌د ئه‌بولغه‌يز ئه‌میندار گشتى كۆمكار عه‌ره‌بی ئه‌وه ده‌رخست ك عراق دژ به‌یاننامه‌ی كوتایی لوتكه‌ی عه‌ره‌بيیه ك له‌تى باس له ده‌سوه‌رداين ئێران له كاروبار وڵاته‌يل تر كرياگه.
وه‌گووره‌ى به‌ياننامه‌ى كوتايى لوتكه‌ى عه‌ره‌بى ك عراق له‌بان ئاست سه‌رۆك كۆمار به‌شدار بوێ، ئيران تومه‌تبار كرياگه وه ئه‌وه‌گ پاڵپشتى له ميليشياى حووسى تيرۆريست ئه‌كاو ئه‌وانيش كار پشيوى دژ سعوديه ئه‌نجام ئه‌يه‌ن و له‌ڕێ ته‌ياره‌ى بيته‌ياره‌وانه‌و په‌لامار دو وێستگه‌ى نه‌فت سعوديه دانه‌و له وه‌رانوه‌ر ئه‌وه‌يش ئه‌حمه‌د ئه‌بولغه‌يز ئه‌میندار گشتى كۆمكار عه‌ره‌بی ئاشكرايكرد عراق دژايه‌تى هه‌ر كاريگ پشيويانه ئه‌كا دژ وه سعوديه يا وڵاته‌يل تر كه‌نداو، وه‌لێ دژ به‌ياننامه‌ى كوتايى لوتكه‌ى عه‌ربييه.
جى باسه، وه‌گووره‌ى قسه‌يل ئه‌بولغه‌يز، عراق دژايه‌تى خوه‌ى ئه‌را به‌ياننامه‌ى كوتايى ده‌رخستگه‌و وتگه: به‌شدارى له دانانه‌وه‌ى ناكه‌ن ئه‌گه‌ر وه‌و شيوه‌ى ئيسه بدێ.
