ساڵح رينمايى داناين بڕگه‌يگ له بودجه كرد ئه‌را پشتگيرى چينيگ په‌ره دا ديموكراسيه‌ت
شه‌فه‌ق نيوز/ به‌رهه‌م ساڵح سه‌رۆك كۆمار عراق جه‌خت له خواست پيشكه‌شكردن چه‌وديرى و گرنگيداين وه رووژنامه‌نويسه‌يل و ئه‌ديبه‌يل و هونه‌رمه‌نده‌يل كرد، وه‌تايبه‌ت ئه‌وانه‌گ له‌ليان ته‌مه‌نيان گه‌وراس له‌وه‌ر به‌رز نرخانن رۆليلن له په‌ره‌داين وه كاروان رووشنهويرى و ئه‌ده‌بى و به‌شداريكردنيان له بته‌وكردن ئه‌زموون ديموكراسى له وڵات.
ساڵح له وه‌خت پيشوازيكردنى له عه‌لائه‌دين عه‌لوان وه‌زير ته‌ندروسى و ژينگه‌و عه‌بدولئه‌مير حه‌مدانى وه‌زير رووشنهويرى و موئه‌يد لامى نه‌قيب رووژنامه‌نويسه‌يل و جه‌بار جودى نه‌قيب هونه‌رمه‌نده‌يل و ناجح مه‌عمورى سه‌رۆك يه‌كێتى گشتى ئه‌ديبه‌يل و نويسه‌ره‌يل له عراق، داوا كرد بڕگه‌يگ له بودجه‌ى ساڵ(2020)دابنريه‌يد ئه‌را دامه‌زرانن سه‌ندووقيگ تايبه‌ت له‌وه‌ر پشتگيرى له داهێنه‌ره‌يل له بوار ئه‌ده‌ب و رووشنهويرى و بواره‌يل تر.
جى باسه، ساڵح رينماييش دا ئه‌را ئه‌وه‌گ داهێنه‌ره‌يل له بوار ئه‌ده‌ب و رووشنهويرى له نه‌خوه‌شخانه‌يل تايبه‌ت له به‌غدا يا له هه‌رێم كوردستان چاره‌سه‌ر بكريه‌ن وه‌گووره‌ى هه‌وه‌جه.
