شه‌فه‌ق نيوز/ ده‌نگدانه‌وه‌ى روێداگ ته‌قاننه‌وه‌ى هه‌ردوگ نه‌فتهه‌ڵگره‌گه‌ له‌ كه‌نداو عومان وه‌رده‌وامى داشت و بويه‌ جى گرنگى رووژنامه‌يل بريتانى ك چه‌ندين باوه‌ته‌يل جوراوجوور و شيه‌وكردن و راپۆرت له‌باره‌يه‌وه‌ ده‌ركريا.

له‌و باوه‌ته‌و، رووژنامه‌ى "ئاى" ك له‌لايه‌ن ده‌زگاى ئه‌ندبندنت ده‌رئه‌چێد، باوه‌تيگ شيكارى له‌ژير ناونيشان(دوير نيه‌ كيشمه‌كيش له‌گشت ناوچه‌گه‌ بڵاوه‌و بدێ)ده‌ركرد و له‌تى جۆن كيمب نويسه‌ر باوه‌ته‌گه‌ نويساگه‌: رويداگه‌گه‌ى كه‌نداو عومان دوير نيه‌ فه‌تيل ئاگر جه‌نگ و ناكووكى له‌ ناوچه‌گه‌ وه‌گشتى ده‌م بيه‌ێد.

نويسه‌ر باوه‌ته‌گه‌ نويساگه‌: كيشه‌گه‌ له‌يرا ته‌واو نادێ، به‌ڵكوو ئيران له‌ هه‌ر روێ وه‌روێ بوينه‌وه‌يگ وه‌ل وڵاته‌يل يه‌كگرتگ ئه‌مريكا مه‌يدانى جيواز ئه‌كا له‌ڕێ هاوپه‌يمانه‌يلى له‌ هه‌ر يه‌ك له‌ يه‌مه‌ن و خوه‌رهه‌ڵات سعوديه‌و ئيمارات و به‌حره‌ين و سوريا و عراق و ئه‌فغانستان.

نويسه‌ره‌گه‌ باس له‌وه‌يش كردگه‌ و وتگه‌: ته‌نگ هورمز وه‌ك ناوچه‌يگ گرژ مينێد ك شايه‌ت ئاگره‌گه‌ ده‌م بيه‌ێد و له‌تى هه‌ر يه‌ك له‌ وڵاته‌يل يه‌كگرتگ و ئيران روێ وه‌ڕوێ يه‌كتيرى بوونه‌و.