دويه‌تيگ خوه‌ى له‌بان خانگ خسته خواره‌وه‌و باوگيشى جايه‌ڵيگ له كه‌ركوك كوشت
2019-07-29 09:54:37
شه‌فه‌ق نيوز/ سه‌رچه‌وه‌يگ وه‌رپرس ئه‌منى و شايه‌تحاڵه‌يل باس له‌وه كردن پياويگ جايه‌ڵيگ كوشتگه دوياى ئه‌وه‌گ ديه‌سه‌ى له‌بان خانگ وه‌ل دويه‌ته‌گه‌ێ له گه‌ڕه‌كيگ له كه‌ركوك.
ئه‌و سه‌رچه‌وه‌و شايه‌تحاڵه‌يله وتن: شه‌وه‌كى ئمڕوو پياويگ له‌بان خانگه‌گه‌ى خوه‌يان له حه‌يولواستى له كه‌ركوك دويه‌ته‌گه‌ى خوه‌ى ديه وه‌ل كوڕيگ جايه‌ڵ جوانيگ وساگه‌و يه‌كسه‌ر وه كڵاشينكۆف ته‌قه له كوڕه‌گه كردگه‌و كوشته‌سه‌ى وه‌ناو(م, م, ك) ك زاينده‌ى ساڵ 1998 بويه.
جى باسه، ئه‌و سه‌رچه‌وه‌و شايه‌تحاڵه‌يله هه‌ميش وتن: دويه‌ته‌گه‌ش شۆك وه‌پى هاتگه‌و له ڕخه‌و خوه‌ى له‌بان خانگه‌و فڕه داسه خواره‌وه‌و وه سه‌ختى زه‌خمدار بويه.
