دوسه‌د مليۆن دينار ئه‌را چه‌وديرى نه‌خوه‌شى كولێرا له ئه‌بوغرێب دابين كريا
2015-09-21 08:48:10
له‌ى باوه‌ته‌و، حازم عه‌بدولڕه‌زاق وه‌ريه‌وبه‌ر گشتى ده‌زگاى ناوبرياگ له‌باسيگ ئه‌را(شه‌فه‌ق نيوز)وت: ئى بڕه پويله له‌وه‌ر حاڵه‌ته‌يل له‌ناكاو پيشكه‌ش كرياگه وه‌خاتر بنبڕكردن ئى به‌تاى مه‌ترسيداره ك له‌چه‌ن ناوچه‌يگ په‌يا بويه وه‌تايبه‌ت له ناوچه‌ى ئه‌بوغرێب و مه‌حموديه‌و زه‌عفه‌رانيه‌و حاڵه‌تيگيش له كه‌ڕاده.
عه‌بدولڕه‌زاق هه‌ميش وت: وزاره‌ت ته‌ندروسى و ده‌زگايه‌يلى ده‌سكردنه‌سه چه‌ن هه‌ڵمه‌تيگ خوه‌به‌خشانه ئه‌را نواگيرى له مه‌ترسى ئى نه‌خوه‌شيه بيجگه دابه‌شكردن حه‌ب پاككردنه‌وه‌ى ئاوه‌يل له گشت ناوه‌نده‌يل ته‌ندروسى.
جى باسه، عراق فيشتر له 100 حاڵه‌ت تويشهاتن وه‌ى نه‌خوه‌شى كولێرا تۆمار كردگه، ك بويه هووكار 4 كه‌س له‌ليان له نزيك به‌غداى پايته‌خت.
