شه‌فه‌ق نيوز/ ميرنشينى ته‌ى له‌ عراق و دويرگه‌ى عه‌ره‌بى ئه‌و عوزرخوازيه‌ ك محه‌مه‌د مه‌ياحى پاريزگار واست پيشكه‌شى كردگه‌ دوياى ده‌سدريژكردنى له‌بان ئه‌فسه‌ريگ له‌ پۆليس سه‌ر وه‌ هووزه‌گه‌يان، وه‌ شه‌رمه‌زارێ تاريف كرد.

هووزه‌گه‌ له‌ به‌ياننامه‌يگ فه‌رمى، سوپاسگوزارى له‌ ياسين ياسرى وه‌زير ناوخوه‌يى عراقى كرد له‌بان هه‌وڵه‌يلى وه‌رانوه‌ر رائد محه‌مه‌د تائى له‌و هه‌ڵويسته‌ ك هاته‌سه‌تويشى له‌لايه‌ن پاريزگار واسته‌و.

به‌ياننامه‌گه‌ هه‌ميش وت: هه‌وڵ سه‌ركرده‌ى پۆليس واست به‌رز نرخنيم له‌بان هه‌ڵويستى دوياى ئه‌وه‌گ ده‌س له‌كاركيشانه‌وه‌ى خوه‌ى پيشكه‌ش كرد وه‌خاتر ئه‌و ده‌سدريژيه‌ ك تويش ئه‌و ئه‌فسه‌ره‌ هات و هه‌ميش وت: لێبوردنه‌ شه‌رمه‌زاريه‌گه‌ى پاريزگار واستيش قه‌بول ئه‌كه‌يم دوياى ئه‌وه‌گ و ئوميده‌واريم له‌ خود ئه‌فسه‌ره‌گه‌يش داواى لێبوردن بكا.